無題

@章小姐那輯加勒比海調情相都唔係好震撼啫，相比上年Edison那輯相，真係九牛一毛啦！人家是公開的一對，跑到老遠渡假過二人世界，與你何干呢？！咁都要影，影完仲要俾人鬧，俾人評頭論足，真係無奶油！算了，這就是成名代價，食得鹹魚抵得喝，繼續受啦！其實本人對章小姐沒有什麼好感，只覺得佢套鮮紅色三點式好靚，雖則不是’胸’湧澎湃型，但都著得幾好睇，好Ｆｉｔ呀！

@呢排常聽阿G.E.M.啲歌，不錯！呢位１７歲的小妹又唱得又彈得，個樣又kawaii，大把前途！

@跟P去了西營盤正街源記食糖水（上一次已是三四年前了），我倆吃了生磨杏仁露及外買馳名桑寄生蓮子茶及合桃露！太久沒有食過，水準依舊，甜味恰到好處，吃罷沒有’鞋’口或甜到澀的感覺，實在太好味了！唯一大煞風景的是坐對面的是對Gay couple，說話時娘娘腔的，頂佢地唔順！（唔好話我歧視啲基民！雖然我有小小，佢地講野時我真係忍不住斜啤左佢地幾下，哈哈！！）

@著得高跟鞋多，腳板啲死皮同＂怎＂特別厚！今日用左白醋浸腳（張玉珊教），浸完後對腳立即白晒，但腳板個＂怎＂仍在，係時候要＂收皮＂啦！

@大家知唔知新出了這款女性用品？http://www.softcup-asia.com/HK_Sdirections.asp　點用及好唔好用完全不知！個中文名認真一絕，叫’小姨媽’！我想問’大姨媽’探訪時用’小姨媽’夠唔夠呢？！

我是一條金魚嗎？

由十二月開始至今，我食左不知幾多東西，數之不盡。。。打了很多很多次的邊爐，聖誕澳門狂食（我夠膽死十點幾食飽晚飯後叫客豬手打包返酒店做宵夜），隨之的大食會，ＳｕｎｄａｙＢｒｕｎｃｈ。。。我也得承認我是一條金魚囉，食既時候唔識飽！到食完企起身時就死火啦！

食到個胃開始頂唔住。。。每個星期痛一次，嘔幾次！還是不要吃太多ＳｕｎｄａｙＢｒｕｎｃｈ，抱住唔蝕的心態，每次食完都飽到上心口！

朋友們，下次跟我食飯唔該好似監獄風雲咁，配給食物俾我，唔好再俾我狂食啦，如果唔係，我會好似條金魚咁食到反肚架？！

２００８年除夕

今年除夕，好開心Ｐ可以陪我過（是第一年嗎？！）！約了Ｐ到他家打邊邊（無錯，又係打邊邊）；他話公司樓下開了間新超市，他負責買食物，而我就到吉吉島買些他在那裡買不到的東東。。。放工後，便跟祖兒逛吉吉島，買了豆腐，日式湯底，白蘿蔔，豆苗和粟米；之後就慘啦，拎住呢袋重甸甸的食物加埋我部Ｎｏｔｅｂｏｏｋ去搵小巴搭。。。行左差不多十分鐘先搵到，勁累！好在不是等了很久同沒有塞車咋！

照舊，Ｐ清洗及準備火鍋食物啦。。。他還買了生蠔及車厘蜆添，正！

生蠔及車厘蜆都好新鮮，但開蠔的人手勢不好，吃時有殼碎！



今次的湯底是日式木魚海鮮湯底，好味，推！

上排：日本草菇，魷魚

中間：購自吉吉島的北海道豆腐，Ｐ家附近麵店的墨丸魚旦；這三樣都很好，但我還是比較喜歡Ｃｉｔｙｓｕｐｅｒ的絹豆腐；而墨丸魚旦也很有水準，兩者都很彈口！

左起：桂花蚌，虎蝦，黑豚肉，雪花肥牛；頭三樣都是麻麻，桂花蚌更是差勁，虎蝦沒有味道，下次可以不買！

又食到好飽！本來想去食糖水，但實在太飽了！晚一點，我弄了薑茶喝算了！

ＨａｐｐｙＮｅｗＹｅａｒ　２００９！！新的一年，好的開始！

２００８年回顧和２００９年大計

今日是２００９年的第一天，踏入新一年，為自己定下一個目標吧，順手做個２００８年ｖａ事回顧！慶幸昨晚在P家睡，今天沒有瞓到黃朝八晏，十時便被嘈醒，起了床！

＠工作＠
２００８：工作上的轉變是最大，由主打電腦程式，年尾轉了營
２００９：繼續迎接新的挑戰

＠外觀＠
２００８：身型沒有特別轉變，還是肥肥的
２００９：希望可以健康地減至少五磅！奸巴爹啊！

＠財政＠
２００８：長期在職貧窮，悲！
２００９：認真地儲蓄多點錢！整理，監測好財政狀況

＠朋友＠
２００８：認識了些新的朋友
２００９：朋友可遇不可求

＠其他＠
２００８：建了私人ｂｌｏｇ，半年來維持更新，沒有半途而廢
２００９：ｋｅｅｐ　ｇｏｉｎｇ！仲有是希望報讀一個興趣班

＠旅遊＠
２００８：今年去了兩次旅行－美國，台灣
２００９：希望可以去日本或韓國睇雪；澳洲，瑞士也不錯，不過錢要儲多一點

＠健康＠
２００８：還未敢去做全身檢查
２００９：應該機會不大．．．仲係好驚

＠置業＠
２００８：仍是租屋住
２００９：希望可以置業

＠愛情＠
２００８：～迷
２００９：清～