病。。。

啱啱個weekend因為仲病緊，加上星期五晚走左去唱K，星期六連聲都無埋；上晏很辛苦地爬起身走去睇醫生，之後便開始大昏迷時間，食完就瞓，瞓完就食，食完就瞓，瞓完就食。。。如是者去到今早，完全覺得同隻豬無乜分別！

今朝起身雖然仲有鼻涕，但精神好好多，希望快Ｄ好番！

凸點

有無發現你身邊男同事會凸點．．．無錯，是男！同！事！！唔明唔明！我公司就有數個，有個是肥既就唔使講啦，應該有42A要戴bra添啦！另一個就似羅茲威爾，不算勁肥，但肚腩凸，點也凸．今日靚仔金菠蘿就喺櫃桶攞左幾張藥水膠布出來話俾肥仔同事（肥仔很高大架）用，超低能就話個範圍唔夠大，叫佢貼時要打交叉．咁金菠蘿就攞張紙摺左個正方形問夠唔夠大，因為張紙大，摺完出來較厚，咁超低能話唔得，咁厚咪仲凸！！！咁佢又啱喎！！

之後，金菠蘿攞左兩款硬幣出來，一個是一毛，另一個是一蚊，正研究那個是肥仔的size時，羅茲威爾咁啱又喺附近，知我們笑佢凸點，轉身過來睇下發生咩事；超低能話佢應該是一毛，肥仔先係一蚊，我說呢啲野未必同身型成正比，反倒肥仔個size是一毛，羅茲威爾是一蚊呢？？！！

咁都笑，講一餐，我都話我的同事是好低能，又一例証！

SOTHYS的透明質酸膠原療程[C]

早前看過圓圓介紹呢個Sothys facial（詳情可參考圓圓這篇blog，不贅）已經心郁郁，但那時手頭上package還未用完沒有行動，再加上一次在詩琳做facial的bad experience後（按摩是急急的，不到位，令人完全不享受，還有勁hard sell，每次也慫恿你加這買那！xYz%#$@#$），便決定找日去試試這個口碑不俗既facial。

也不是每間美容院也有sothys這個品牌，上網查一查，有間在海逸豪園都不錯，試做價是便宜一點，奈何太隔涉了！後經圓圓介紹，去了泰殿搵甜姐兒joyce試做這個facial！做facial要看的除了用料和價錢外，手勢是很重要；之前在沙田那間手勢不錯，但現在已不是住沙田，又用完手上套票，便趁機去試！

有人介紹，總好過胡亂試，甜姐兒joyce手勢也不俗，也很細心解釋每個步驟．


設有獨立房間加shower room，私穩度十足！


是次facial的用料（左）和facial後果（右）

Comment：

做了一次，或者膚質不同，沒有預期中的水潤飽滿，紋理明顯減淡的效果；面部瑕疵多的朋友（如我）想做完一次就有脫胎換骨（即去斑去印）的效果就當然無可能，但美容師joyce說那個火山礦物泥peeling有助減淡黑色素．我發現做完後面部緊緻度提升了，肌膚嫩滑了，毛孔也細左．最喜歡那個按摩過程，連頸部也有照顧．

這個價錢（HK$840）連眼，面和頸部護理（頸部護理也很重要），其實也算合理！

是日宜燒烤

今日是部門燒烤日，11時在公司出發，咁基本上返到公司都唔做野啦！險些泡湯，因大老闆怕凍，最後決定早點開始，他可是個老外來的，何解那麼怕凍，奇！

選址是大美篤郊野公園，距離我家只有１０分鐘車程，我當然選擇不回公司直接去．同事數字頭揸車順便來接我，我倆第一批到達，見到人頭擁擁己心知不妙，下車去搵爐，一無所獲；真的給我講中，適逢燒烤季節，應該是中小學生的郊遊旺季，要早些去霸位！事關重大，唔通要幾十人來到一齊等爐咩，實俾人小，便立即致電報告長官，電光火石間，長官決定移師至西沙泥涌郊野公園！幸好，那邊多爐，唔係就大檸樂！

如往年，食物必是上上等貨，新來的同事無一不嘩然！大大隻既帶子，老虎蝦，近百元一塊既牛排，豬排！還有韓國老闆order既韓國牛肋骨，豬肋骨．．．食到大家津津有味！掛住食，搶食，連相都忘了影！

三時多完畢，之後去左唱Ｋ！玩飽，食飽後，晚上又開始唔舒服，繼續病過！

病了

未凍前很想天氣快點轉冷，到氣溫驟降時，身體卻抵受不住嚴寒的天氣，得了感冒。星期二起床時勁頭痛，睡多一會連手腳都痛埋，即代表發燒，因為路途實在太遙遠，也難得去睇醫生了。食了粒PANADOL便繼續再瞓，瞓過飽應該會好番罷，整日整個人也是冷冷的，雙手雙腳未曾暖過！昨晚又轉差，今早忍不住要去看醫生！

噢！明天還要去燒雞翼，不去的便留在公司工作，咁幾病都要去啦！

物以類聚呢?！

我成日跟同事祖兒和小S說，公司阿某某好低能呀，阿邊個原來勁白痴架。。。圍繞著我的一群人都是一樣，外表斯文內裡低能，我懷疑過係咪大家在迎合我呢定是呢D叫物以類聚呢?！應該是我將大家潛在既低能本色發揮出來，我只是個催化劑罷了！先旨聲明，我口中既低能白痴，完全不apply在工作上，工作時是另一個人來的！

表表者是'有能'，成隻馬騮咁，周身郁，企喺度都覺得佢低能；另一個是鬈髦強，成日講英文爛gag，我又十分喜歡玩佢，而佢又最好的唔理我，唔嬲！

還有一個是我個team個PM數字頭（另一個PM叫數字人，真橋，當然花名呢D野大多是我和祖兒改的！），其實佢年紀不大，但最喜歡扮成熟（在我眼中是老土囉唔該），成日話外表太細無說服力喎，人地唔信你，ok這個我buy，但可以扮得型少少，成熟既打扮都可以smart D啫！鬧左好耐，先肯將佢個數字頭剪番正常！佢除左煩D之外，做野都好OK架。
星期五，我地可以著牛仔褲，但佢死都唔著，其實我懷疑過佢無牛仔褲，不過佢話唔係，可能是著牛仔褲唔pro囉。。。

終於上個星期五呢位施主肯著牛仔褲返工，而我又好無聊地影低左。。。

ED mama廚房

星期六就去左網友ED mama屋企食飯，佢親自下廚款待，真係唔講得笑！碟碟都咁好味，食到我地捧住個肚走！

綠色衫嗰位就係大廚ED mama啦！


飯後甜品－－有兩款咁多呀！

首先是果醬為大家準備既木糠布甸


壓軸既係冰糖燉燕窩，好足料架！連燕窩都有又花膠鮑片湯，呢位靚媽真係好客！


仲有仲有，就係Reddy和愛媽為大家準備既禮物。。Elizabeth arden既lip cream我之前也想買來試，太好了！愛媽既溫暖暖牌頭飾，咁凍帶上頭度會唔會暖啲呢？！:P


也識了一位新朋友－－肥痺DD！佢也是傻婆一名！

好多謝好多謝大家，尤其是ED mama－－佢喺廚房廚到塊面紅晒架！

大閘蟹之夜

星期五約左班friend食大閘蟹。。。。

某人好乖地切薑，完全估不到佢Ｄ手勢咁好！薑片薑粒完全難不到佢，勁！薑茶當然是由我弄，因我要飲好辣好辣好夠晒薑既！



除左蟹，還有其他方便街頭小食！



主角出場！！成$160一隻既蟹，份量十足！每人兩隻，分兩次蒸！

飯後甜品是－－小甜谷！見到谷祖琳真人，又係好瘦囉！唔明點解啲人可以咁瘦，食風架！！當晚番風，谷小姐上身包到實，下身短裙配legging，口痕友說露下有鬼用咩，露上身先有睇頭麻！

甜品不錯，材料靚，選用北海道牛奶，差極有個普，除了那個合桃露較遜色外，難怪大坑那間生意咁好！

又敗家！

無事出街也破財，呢句說話永遠是true－－

昨日經過葵涌廣場，約左人又未夠鐘，便入內逛逛，嘩，原來裡面好多boutique架，便搵左間專賣日韓衫既shop逛，便敗了呢3件衫！

好鍾意心口個彩色print，好sharp！


裡面件格仔’理’可折下，腰間有條索帶可索以突出線條（乜我有咩？哈哈！）


呢件就鍾意條lace邊邊做點綴！

今日出街行過圈，又唔見成千蚊！我仲想趁感謝日去Sogo血拼，依家budget無晒啦！

喺吉吉島買左套casablanca床單＋被袋枕袋，折後價$582！530針，夠晒滑，都抵ge...



經過藥房，見到Neutrogena支Rain Bath賣$101，支shower gel就黎用完，便買番支！鍾意Rainbath的味道，又夠mild，返到屋企忍不住開黎用！

又一個星期。。。

原來有成個星期沒update個blog，呢個星期有點忙而且好累，一返到屋企已經好累，做或未做完野就要瞓！好，今晚希望能寫多D！

BBQ

搬左去新屋，有地方bbq，而又新買左個燒烤爐，一個星期BBQ了3次，好痴線囉！

希望唔好喉嚨痛！

不到翁中日火鍋料理－－佐敦店

打完波，去左不到翁打邊邊；係咪好癲呢？正因同事Ｂ初到貴景，人生路不熟，時常一個人食飯，很難食火鍋的（但他都試過一個人走去打邊邊喎，勁呱！）；當肥仔同事提議去打邊邊時，他第一個舉腳贊成！算啦，就同佢去食啲好啲既野！

本來想去牛皇星，但的士停在不到翁下面，見阿So介紹，就即管上去試試！

１０時後入坐還有配料有６折，整體上食物是有水準，我們點了醉雞鍋，但不夠味！配料既就完全合格！

還有數碟在鏡頭之外，需說有六折，但每人也要＄１７５，不太便宜！

喺褲襠打羽毛球

同事B住喺褲襠（褲襠呢個名是同事祖兒改的，勁正！），昨日放工去佢個club house打羽毛球，邊度係褲襠?估到嗎?

打完波，同事B帶我們參觀；成個場好正，富有時代感的裝潢，我不太喜歡那些裝修到很有氣派金碧輝煌的，太俗了，這個的感覺很hip！最正是其那層空中花園，可遠眺整個維港的景色，若晚上一個人下去吹吹風（當然不是在夏天啦），靜思一下，蠻寫意！但我又諗，住得喺度十居其九都有海景，要睇既都喺屋企睇飽，gimmick是也！

新玩物（一）：救星，新竉－Dead sea premier + dermedex

近期入了很多貨，well，當你照鏡，望住自己個樣唔多開胃時，你就會有所行動；又係嗰句，女人錢最易呃！

言歸正傳，首先說說這兩個近日成為我的新寵品牌：

1. Dead sea premier - Salt scrub


可清潔，更新，滋潤皮膚。。。點解會買這個鹽，事源是有日經過log on，佢地擺booth做promote，BA勁sell我試，便試了，即時當然無買啦，錢多咩，$3xx一瓶；但隨後勁洗手，又用洗潔精，無補塗handcream，雙手依然軟滑（平時我雙手是很乾的，同阿婆手有得揮，只是少了些皺紋咋），便開始心郁郁！！至旅行回來，晒到皮膚很乾，剛巧我又途經log on。。。於是便買下，在BA推銷下，我也買下了下面既mask，話勁啱我膚質。。。初時我唔肯買，怕中雷架，但BA姐姐拍心口說若不合用拿回來退，像是信心的保證，誠意難推。。。便買下了！ 幸好沒有買錯！


2. Dead sea premier - mask for problematic skin


可日日敷的泥mask，針對問題性皮膚，可加速新陳代謝云云。。。BA姐姐說可退暗粒，佢試過咁話，所以勁推俾我。

其實佢地既signature product是salt scrub & Miracle noir mask；個mask敷完後用磁石來吸走面上既mask，真是好Miracle架，不過這個唔啱我用！很早前黎堅惠在其專欄介紹過這個品牌，她也愛salt scrub。


3. Dermedex - Biotox refining challenge pack（內有cleanser和cream名一支5g）


美容師送既challenge pack；做facial時，美容師勁推，話佢啲暗瘡客用完勁讚咁話，我話我唔係暗瘡是暗粒喎，佢話都work！事實是已中過雷的我（上次第一次中，不過是另一個美容師，已離職）一點兒心動也沒有，為表誠意，佢便送了這個試用裝給我！包裝盒上寫明＂如不滿意，原銀奉還＂，又講到，用了一次後你會愛不釋手；咁勁，試下咪知係龍定鳳！

先講講texture，cleanser像洗面奶，照指示頭兩晚（早上沒時間）敷左大約3-5mins才洗去；之後便全面塗refining cream。refining cream是呈膏狀的，質地和味道有啲似oxy（如我無記錯的話），不過我覺得這個天氣用就不夠滋潤，晚上還可以，早上塗base時前要用多一點！

---------------------------------------------------------------------------------------------

進度：唔知邊樣work，照常食藥＋item2&3差不多時間開始用，日日用，mask就盡量日日敷，三日後已見好轉，一個星期後又真係好左好多，最明顯是下巴近頸位的粒粒退了很多很多，又沒有新力軍出現。。。唔理了，好左就要keep住！等遲些用完套challenge pack便停用一陣子，剩敷mask，到時就能看看是誰的威力！


詳情可到官方網站看看－－dermedex & premier by dead sea premier

網友一聚

昨日跟網友們茶聚，選址是旺角既pokka cafe，目的是去食盡它們的甜品！我們點了十幾廿款！！好癲呀我地！！我的友人也是因為我們點的甜品才往我們這張枱看，才發現了我！

說到底，還是最喜歡它的香蕉和咖啡凍餅，其他的略嫌太漏！

另，ED mama親自縫製了一個的手挽袋給我，很感動喎！！看似小小的一個袋子（相比我用的袋，誇啲講，我平時個袋大到像是要拿晒屋企所有野出街），其實容量也不小袋底有個闊度，可放下不少東東，是我喜愛的紅色加兔兔圖案，帶著和風的色彩，很美！

手挽加了棉花，拿時會舒服啲，你看那個拉鍊扣，很cute呀！

ED mama，真的不敢想像你可以一針一針的把袋子弄出來。平日要忙住照顧兩隻馬騮的你，還花時間縫這個袋子給我，很感動喎！！

說到禮物，很感激友人們送給我的禮物，我講既當然不是交功課那些！不著重價錢，心意比任何東西重要；有錢既當然什麼也能買，但是誰肯為你去花心思花時間去選購你喜歡／適合你的禮物，這才是重點，因為他們是會記得你需要什麼，想要什麼！更何況是親手弄的，有時間人家可以睇多陣電視或瞓多陣，犧牲自己的時間去弄，所以更值得珍惜！

Finally moved

昨日終於正正式式搬到了新居跟姐姐一家住，也想了一陣子究竟同唔同佢地住，之前暫住就無所謂，始終我習慣一個人住，偏僻左啲；不過他們選的是獨立屋，私人空間會大點（除了阿B成日私自闖入，激死我），諗呀諗，最後便決定一齊住。

我間房個露台有十多袋紅白藍袋等緊我－－開始unpack，近排運動量極少的我，昨日上上落落後，今日小腿有啲酸痛。。。我跟姐姐說，佢話你依家先痛呀，我痛左幾日啦！

環境不錯，除左遠啲和很多識飛既小昆蟲來同你say hello外！我的手手腳腳已有多處地方被偷吻了！用緊早前喺新加坡牛車水馮滿記買既香茅油來止痕！

友問我怕不怕小昆蟲，其實一般普通貨色我是不怕，只要河水不犯井水！偷吻呢家野無得避，會買支香茅香薰來點，希望work，否則要放支香茅喺床邊當花插（友提議的，但我覺得佢玩我的成份居多）！

要慢慢適應下！