減壓戰利品－－CEZANNE兩用粉餅

買左太陽眼鏡，再去做正經野－－去Chantecaille看新出碎粉，之前都15,16，究竟買$650的Chantecaille還是$70的CEZANNE，相差十倍價錢；最後決定去看看，試左先下決定！點知無貨，要九月才返！！噢，睇黎個天都唔想我太揮霍了，最後過左對面買卓悅買CEZANNE！

這個CEZANNE其實也不賴，看網友們（阿元跟assenav)的comment都很正面，它連續兩年登上日本COSME大賞第一位，平平地試下也無妨！藍盒是透明粉，我買了遮瑕度高一點的粉紅盒。

用了數天，我發現它的粉質跟我之前用開的Shiseido MAQuillAGE差不多；Shiseido的粉細滑一點，但價錢是這個的四，五倍！月尾無錢時又要靚，這個真的可以解燃眉之急！

Facial@Jurlique Wellness Sanctuary Day Spa

早前，姐姐喺Jurlique購物做了member，便送了個90mins天然香薰facial。佢一向都唔做facial既，咁就益左我啦！BOOK左琴日做，放工去了位於銅鑼灣的Jurliqiue Wellness Sanctuary Day Spa那間。

到達後，在sofa坐下填份問卷飲杯茶先，第一次做要了解你的狀況。之後BA妹妹拿住盤香薰油給你選擇待會用那種油做facial，那款油按摩，她會向你解釋和給你聞下每種的氣味，問你要改善什麼問題。


有個好靚既熱帶魚魚缸


揀完後，就入房，BA妹妹說本間房間有不同國家主題，咁我問佢我嗰間是咩THEME，佢話係越南喎，我笑問佢可唔可以轉去日本或者澳洲（我想知澳洲間房係咪用樹熊做WALLPAPER呢?）！佢呆左唔知點答，我即刻打圓場說說說笑啫。依家啲人太緊張，都無幽默感既！最攪鬼是一入到房有個水煲喺地下，我問佢用黎做乜，原來係要換熱水浸毛巾。你覺得有無越南feel呢?

facial全線選用自家品牌，大部份是零售貨品，只有少數是SALON專用。每次抹完面都用浸過香薰油的熱毛巾敷面，好relax！！清潔方面，只會做少量針清，按左兩下面後我已不經意瞓著左；到敷mask時，因為要蒸住敷，但佢架steam機又好鬼噪，一開機就俾佢噪醒左！破壞晒！手勢方面，只可以說那位妹妹還有很多進步空間。

除了做面，還會用它最出名既handcream按手至手肘，和隔住毛巾按腳。

索價$880@（另有120mins的要$11x0），賣點只是全線用自家品牌，我覺得較貴！

Biotherm激光纖體系列（ Celluli Laser）－－D. Code

喺空姐Elaine網站看到這篇，即上網search下，口碑尚算不錯，港售$360；以前用過不少這類纖體產品，都無乜功效，主要原因係自己無恆心，之後索性唔買；但呢支看似很強，很神奇，心癢癢想去買番支試下添！

MAC pro longwear Lipstain Marker

睇雜誌見MAC出左支新唇膏（筆）－－pro longwear Lipstain Marker（$145）；攞住支筆喺個嘴度畫下畫下，好似幾方便，而且又可以LAST得耐,據稱可last 6個鐘。

上星期經過銅鑼灣便去SOGO個COUNTER入了一支，顏色是A Classic。

結論是。。。。。。把鬼！！！又難上色（已用lip base打底），又last得唔耐，有時啲色出唔到，要係咁搖支筆，搖到手都攰。唯一好處是無乜味。

Sulwhasoo - white ginseng lightening gel

這支雪花秀White ginseng whitening gel是我近期至愛，喜歡它的粒子夠細滑，在臉頰上打圈磨也不會有痛的感覺，很溫和且不刺激的便能把臉上的死皮角質推走；最重要是能補充埋水份，用完肌膚不會乾燥，不用再敷水份面膜，是懶人之選！推！係韓國買只需三百頭，香港行貨價是HK$480，七折有多呀！快將完時，希望有朋友到韓國旅行啦！


來自官方網頁的介紹：
蘊含細滑的白參粉末，能令肌膚剔透亮白的韓方草本磨砂啫喱。

-白參中有豐富的皂角苷成分，能促進肌膚循環，長效補濕的蜂蜜和裂褶菌精華，則能夠提升肌膚水分，煥發水漾光澤。
- 啫喱質感可迅速於肌膚推開，配合有助清除角質的白參粉末，顯著提升肌膚健康活力。

Scholl Qtto 夜間纖腿襪 -- 用後報告

大約三個星期前咪話買左Scholl Qtto對夜間纖腿襪既（相關內容），很多朋／網友仔也問我有冇效。

穿了大約一個月，盡量晚晚穿（當然有些時間會忘了）；可能我雙小豬腳實在太粗（或者我不是水腫啦）而令到效果不太明顯，瘦腿的效果未見。

唯一最大發現的是愛腳踏高跟鞋的我疲勞的雙腿得以舒緩；早兩日行完山後，雙腳也沒有酸軟！

雖然暫未見效果，既然買了還是會繼續穿，若日後有其他大發現會繼續update!

新玩物－－彩妝＋skincare

好友馬姐早前替我以員工價（即半價，一年一度）買回來的彩妝和skincare，今日終於到我手啦！
skincare方面有－－

fresh : black tea instant perfecting mask & 皇牌soy face cleanser. Soy face cleanser之前已用過一支，不錯！
natura bisse : oxygen finishing mask。也有用過其oxygen cream。今次半價試埋過mask先！


nars : 皇牌aqua gel hydrator + cleansing oil。aqua gel hydrator其實好想試好耐，但以base來說價錢真的有點貴，雖然可作sleeping mask用，都係貴！（何時我變得咁慳家呢？！）


彩妝方面就全nars的－－好喜歡nars的包裝，黑底白字，簡單得來夠晒型！


duo concealer + duo eye shadow (cleo)


blush －－左: angelika , 右是luster

最後既就是

2支nail polish--淺色嗰支是orgasm，深色是特別版tokaido

1 支lipgloss -- 又係orgasm，冇計，signature product ma

原色是淡粉紅，唔知點解影出來變了帶橙色

這幾個品牌屬於中上價錢，現在可以半價購入，覺得好抵！！好抵！！平時唔係太捨得買！

防治老人斑－－紅糖加鮮薑粉茶

想分享一則上星期看經濟日報，李韡玲在她的專欄＜任瑩在此＞教的防治老人斑方法，方法簡單，除了治老人斑，還有以下功效，當作養身的飲料，也未嘗不可！

我在早些年前，也聽聞女性於月事後喝黑糖薑茶，可減少婦女病，因有助血氣運行，減少血塊的凝成，台灣那邊好似也很流行的。

轉載自＜經濟日報＞
－－－－－－－－－－－－－－－－－－－－－－－－－－－－－－－－－－－－－－－－－－撰文:李韡玲

欄名:寫意——任瑩在此

你一定會問，為甚麼每日一杯鮮薑粉紅糖茶能夠防治老人斑呢？讓我們先來認識一下薑和紅糖這兩種材料。市場上有白糖和紅糖之分。白糖是甘蔗和甜菜榨汁後加工精製而成的乳白色結晶品，又名糖霜或砂糖。此糖味甘性寒；主要成分是蔗糖，有潤肺生津、和中益肺、紓緩肝氣的功效。

至於紅糖，又名赤砂糖或黑糖，是一種未經提純的糖，營養價值比白糖高許多。它所含的鈣和鐵，比白糖高三倍。此外，還含有對皮膚起保護功能的維他命 A 原、B1、B2，以及多種微量元素如錳、鋅、鉻等，具有補血、散瘀、緩肝、袪寒的作用，尤其對產婦、兒童及貧血者有益。至於薑這種食材，主要成分是發出辛辣味道的薑油酮，它可以增加胃液的分泌，促進消化吸收，並有增強殺菌能力，以防食物中毒。薑油酮能促進新陳代謝，增加排汗，對感冒初期的發燒和咳嗽很有效。同時其辛辣成分可以淨化血液，減少血液中的膽固醇，降低血壓、抑制癌細胞的形成。

紅糖的功力加上鮮薑粉的威力，每日用熱水沖茶飲用，自然清血去毒，老人斑拜拜。做法是一小茶匙鮮薑粉加一茶匙紅糖，加入大熱水拌勻即可。

－－－－－－－－－－－－－－－－－－－－－－－－－－－－－－－－－－－－－－－－－－

想一想，其實咪即係平時食完大閘蟹後用生薑片煲薑茶咁，但可我會有那樣多的恆心，每日煲先？還是待買了鮮薑粉才試，即沖劑還是方便點。唔知邊處有得賣呢？

SOTHYS的透明質酸膠原療程[C]

早前看過圓圓介紹呢個Sothys facial（詳情可參考圓圓這篇blog，不贅）已經心郁郁，但那時手頭上package還未用完沒有行動，再加上一次在詩琳做facial的bad experience後（按摩是急急的，不到位，令人完全不享受，還有勁hard sell，每次也慫恿你加這買那！xYz%#$@#$），便決定找日去試試這個口碑不俗既facial。

也不是每間美容院也有sothys這個品牌，上網查一查，有間在海逸豪園都不錯，試做價是便宜一點，奈何太隔涉了！後經圓圓介紹，去了泰殿搵甜姐兒joyce試做這個facial！做facial要看的除了用料和價錢外，手勢是很重要；之前在沙田那間手勢不錯，但現在已不是住沙田，又用完手上套票，便趁機去試！

有人介紹，總好過胡亂試，甜姐兒joyce手勢也不俗，也很細心解釋每個步驟．


設有獨立房間加shower room，私穩度十足！


是次facial的用料（左）和facial後果（右）

Comment：

做了一次，或者膚質不同，沒有預期中的水潤飽滿，紋理明顯減淡的效果；面部瑕疵多的朋友（如我）想做完一次就有脫胎換骨（即去斑去印）的效果就當然無可能，但美容師joyce說那個火山礦物泥peeling有助減淡黑色素．我發現做完後面部緊緻度提升了，肌膚嫩滑了，毛孔也細左．最喜歡那個按摩過程，連頸部也有照顧．

這個價錢（HK$840）連眼，面和頸部護理（頸部護理也很重要），其實也算合理！

新玩物（一）：救星，新竉－Dead sea premier + dermedex

近期入了很多貨，well，當你照鏡，望住自己個樣唔多開胃時，你就會有所行動；又係嗰句，女人錢最易呃！

言歸正傳，首先說說這兩個近日成為我的新寵品牌：

1. Dead sea premier - Salt scrub


可清潔，更新，滋潤皮膚。。。點解會買這個鹽，事源是有日經過log on，佢地擺booth做promote，BA勁sell我試，便試了，即時當然無買啦，錢多咩，$3xx一瓶；但隨後勁洗手，又用洗潔精，無補塗handcream，雙手依然軟滑（平時我雙手是很乾的，同阿婆手有得揮，只是少了些皺紋咋），便開始心郁郁！！至旅行回來，晒到皮膚很乾，剛巧我又途經log on。。。於是便買下，在BA推銷下，我也買下了下面既mask，話勁啱我膚質。。。初時我唔肯買，怕中雷架，但BA姐姐拍心口說若不合用拿回來退，像是信心的保證，誠意難推。。。便買下了！ 幸好沒有買錯！


2. Dead sea premier - mask for problematic skin


可日日敷的泥mask，針對問題性皮膚，可加速新陳代謝云云。。。BA姐姐說可退暗粒，佢試過咁話，所以勁推俾我。

其實佢地既signature product是salt scrub & Miracle noir mask；個mask敷完後用磁石來吸走面上既mask，真是好Miracle架，不過這個唔啱我用！很早前黎堅惠在其專欄介紹過這個品牌，她也愛salt scrub。


3. Dermedex - Biotox refining challenge pack（內有cleanser和cream名一支5g）


美容師送既challenge pack；做facial時，美容師勁推，話佢啲暗瘡客用完勁讚咁話，我話我唔係暗瘡是暗粒喎，佢話都work！事實是已中過雷的我（上次第一次中，不過是另一個美容師，已離職）一點兒心動也沒有，為表誠意，佢便送了這個試用裝給我！包裝盒上寫明＂如不滿意，原銀奉還＂，又講到，用了一次後你會愛不釋手；咁勁，試下咪知係龍定鳳！

先講講texture，cleanser像洗面奶，照指示頭兩晚（早上沒時間）敷左大約3-5mins才洗去；之後便全面塗refining cream。refining cream是呈膏狀的，質地和味道有啲似oxy（如我無記錯的話），不過我覺得這個天氣用就不夠滋潤，晚上還可以，早上塗base時前要用多一點！

---------------------------------------------------------------------------------------------

進度：唔知邊樣work，照常食藥＋item2&3差不多時間開始用，日日用，mask就盡量日日敷，三日後已見好轉，一個星期後又真係好左好多，最明顯是下巴近頸位的粒粒退了很多很多，又沒有新力軍出現。。。唔理了，好左就要keep住！等遲些用完套challenge pack便停用一陣子，剩敷mask，到時就能看看是誰的威力！


詳情可到官方網站看看－－dermedex & premier by dead sea premier

ROC Complete Lift － 用後報告

幾個月前，ROC PR好康的托圓圓送給我們試用ROC Complete Lift的系列（相關舊文）！後來因為自己的皮膚出了點狀況，便沒有試用，到早前因搬屋（唉，5個月搬3次，累死人了）要pack東西時找到它－－Lift and Firming Moisturer - night（中間那瓶），剛巧姨姨來食飯，便轉贈了她（圓圓，請不要怪我，我不想浪費）！

前天為老爸慶生，姨姨也來，看見了她的臉部皮膚緊緻了沒有鬆弛，帶點光澤，很容光煥發，問她為什麼（我也不大記得轉贈了她，近來記性不是太好！），她說是拜我那盒cream所賜！

這系列的功能是即時收緊細胞，全面提升輪廓，詳情請移玉步往ROC official website看。姨姨年約50多歲，皺紋，臉部鬆弛的情況當然不能幸免，平時不大著重護理，一瓶cream走天涯嗰隻；用了這cream大約一個月，肌膚明顯有很大的改善，連我也看得出分別！說誇一點真的可以做before/after的主角，好勁呀！

同系那支eye gel，夠爽身不lup，但去眼紋功效就不夠，吾友馬姐也買了（她眼紋比我還深），我倆也覺得不夠潤！

潤唇膏大檢閱

食藥的關係，令到嘴唇乾裂引至甩皮，上星期五放工時留低左支潤唇膏喺公司，大鑊！捱左一晚，星期六忍不住要支新，買邊款好呢？
用過既潤唇膏品牌很多－la mer跟雪花秀也太貴了，中價既fresh和laura mercier現在也覺得貴，四隻都好用夠潤；avene搽上後唇色帶白；jurlique和aesop的包裝似支旅行裝牙膏，用時有點煩，好易會唧好多出來，不夠user-friendly，kiehl's呢，不太喜歡它的質地；burts bee不夠潤，Dr. hauschka都ok，但越賣越貴，用左很多年，由初初買時$60用到$88了！

經過莎莎，入內看看，見到Caudalie呢個品牌，聽聞也具口碑，最出名便是其葡萄籽extract，便買來試試，$68蚊仲有9折，平過用開既Dr. hauschka；本想買elizabeth arden既8hours lip balm，但不喜歡它有成15度防晒，便選了這個Caudalie - lip conditioner－含葡萄籽extract，具抗氧化功效，適合敏感人士。


用後感：用左四日，效果不錯，夠滋潤，無怪味，適合冬天使用，價錢又合理！它已成功取代Dr. hauschka的地位，成為我的化妝袋內既永久居民了！推！