美都冰室

今日陪阿爸喺佐敦驗耳，之後同阿媽去永安Shopping．Shop完後成五點，有啲肚餓，跟阿媽講起美都，我話佢執咗，點知阿媽話未，原來是我記錯位置．一直以為它是喺永安旁邊近行人隧道口附近，原來正確位置是喺榕樹頭旁邊．即刻捉阿媽帶我去，佢話下次先，五點幾先食tea, 七點又話食晚飯，食唔落！但我堅持要去，佢不知幾不願意!! 鬼叫你生得我咁為食咩！哈哈！

途經廟街，見到有椰汁大王便買番支，唔知點解，未飲就無咗1/4，次次都係咁，不過今次誇啲...但買嗰陣明明係滿ｏ架?!



景觀：榕樹頭




馳名的美都焗豬扒飯 + 凍奶茶－凍奶茶味道一般；豬扒無雪味，飯係炒底，不錯，略嫌汁多咗少少！