山頂半日遊

星期日，跟Ｐ去了山頂；事前無說定去那裡，我著了高跟鞋加埋個ＡｎｉｍａｌＰｒｉｎｔ袋；本來這個裝扮不是問題，但當行行山徑時，越行越不對勁，不是覺得攰，而是發覺不是穿球鞋的行山者全是自由行人士呀頂！！！超級異相，都係折返去番廣場那邊！下次再行過啦！
在山頂廣場去了Ｓｐａｇｅｔｔｉ３６０食ｔｅａ，食物一般；沒有特別不多提了；事後才發現我家附近也有分店，早知試另一間啦！在ＯｒｇａｎｉｃＴｉｍｅｓ買既薑糖很好食，不是很甜又重薑味，正！

另，在行山徑我遠處看到有一隻大狗，真的很大隻，未企直已經到我膊頭，大隻過諾威拿，但沒諾威拿咁肥，是鬥狗型！我立即躲在Ｐ的身後（其實他都驚），真係好嚇人；走近時才發現原來不是一隻，而是兩隻，最重要是兩隻都無用狗帶，雖則牠們好似好聽主人話，跟住主人行無亂走，但我覺得那主人好無公德心，不論牠們有幾聽話，始終是隻動物（仲要咁Ｑ大隻），去到公眾地方煩請用狗帶，你永遠估不到有無突如其來的事ｔｒｉｇｇｅｒ到牠們發癲，到時傷及無辜你又過意得去嗎！！那時才知錯，道歉已沒用了！