I'm back

我返黎啦！五日四夜新加坡及民丹之旅話咁快就完結！
總括來說都不錯，其實新加坡都ＯＫ好玩，我嫌唔夠時間，留多一日會好啲！遲啲再寫遊記！

ROC Complete Lift － 用後報告

幾個月前，ROC PR好康的托圓圓送給我們試用ROC Complete Lift的系列（相關舊文）！後來因為自己的皮膚出了點狀況，便沒有試用，到早前因搬屋（唉，5個月搬3次，累死人了）要pack東西時找到它－－Lift and Firming Moisturer - night（中間那瓶），剛巧姨姨來食飯，便轉贈了她（圓圓，請不要怪我，我不想浪費）！

前天為老爸慶生，姨姨也來，看見了她的臉部皮膚緊緻了沒有鬆弛，帶點光澤，很容光煥發，問她為什麼（我也不大記得轉贈了她，近來記性不是太好！），她說是拜我那盒cream所賜！

這系列的功能是即時收緊細胞，全面提升輪廓，詳情請移玉步往ROC official website看。姨姨年約50多歲，皺紋，臉部鬆弛的情況當然不能幸免，平時不大著重護理，一瓶cream走天涯嗰隻；用了這cream大約一個月，肌膚明顯有很大的改善，連我也看得出分別！說誇一點真的可以做before/after的主角，好勁呀！

同系那支eye gel，夠爽身不lup，但去眼紋功效就不夠，吾友馬姐也買了（她眼紋比我還深），我倆也覺得不夠潤！

On sale : Caudalie - lip conditioner

之前提過既Caudalie - lip conditioner潤唇膏，Sasa做緊特價，$48一支，有興趣可去看看！

我當然入多了一支貨啦，之前那支已用了一半！勁呱，半個月用左一半，是食定是揸呢？無計，食緊藥，嘴唇跟荷包一樣咁．．．乾！

新加坡及民丹之旅

星期三會起程去新加坡及民丹，行程麻，新加坡都編排得七七八八，以食為主，黑白胡椒蟹，海南雞飯，肉骨茶，福建炒面，斑蘭蛋糕．．．應該會去聖濤沙，night safari．．．第一次去麻，緊係要去啲旅行聖地！

民丹呢，以hea為主，上網搵資料，好似無乜野行，多數時間都會留在酒店，希望可以去紅樹林看看，感受一下大自然的氣息，親親大自然！

還有其他建議嗎？

Orient Spa

工作無咁忙可以早點放工又攰攰地，尋日就去了銅鑼灣Orient Spa來個香薰按摩，順手要消滅下我啲存貨（唉，以前就是嘥埋好多呢啲無謂錢），有些在12月頭expire，要去番密啲！

Orient Spa的前老闆是泰國藉的闊太，所以店內的裝修和服務也以泰式跟按摩spa為主；好似兩年前賣左盤俾鄭明明，隨後便多了很多facial treatment。

鋪進店內，分左右兩邊，左面是按摩房，右面是spa房，還有些facial房；環境挺舒服，空間又大，房間分了泰式（有墊的）和普通房；也有一，二，三人房，二三個知己一起來也可以！為配合spa的需要，左面的房間全設有按摩浴缸或按摩企缸，有時剩按摩也可分配到spa room，按摩前或後來過浸／花灑浴，也不錯！完成後，便會奉上薑茶或意米茶一杯。

說到價錢，當然比較貴了一點，但整個程十分享受和舒適，也是值得的！最重要的是它的計時方法，多數中式按摩店的一part是45分鐘，它是60分鐘；計落其實不是差很遠（當然是以套票計)！本人覺得泰式按摩是最好，但有時想嘆啲會做香薰按摩！

忘了影門口，今次就是被分配到spa room，有按摩浴缸，不過無得浸，因為漏水。 化妝檯的對面就是按摩浴缸，入面的便是按摩床！

舊照

收拾東西時，翻看舊照，發現了這張數年前在布吉旅遊時影的背心照，嘩！嘩！嘩！嘩！不得了！那時的體重應該是。。。。

Well，對纖瘦的你們，著吊帶背心是等閒事，當然沒舍特別啦，對於我來說，直至現在為止沒有多少次，因為確實肥胖，為大家的眼睛著想，近年已沒機會著，衫身和衫袖有咁長得咁長，遮遮掩掩麻！

好！決心減肥，以這為目標，奸巴爹！！！

十月九日壽星－－生日快樂！

十月九日是有兩位友人生日，一個是同事小S，另一個是爛gag哥。 喺apm有懷舊擺檔，買了這個懷舊棉花糖送給同事小S！

製作過程：



完成！！



到正日，喺Italian Tomatoe買了榛子朱古力蛋糕同佢慶祝！壽星女很喜歡，我就覺得面個cream太林身。




而爛gag哥呢，佢揀左黃大仙詠藜園！



左：冷盤－醉豬手，五香豆腐，海哲頭
右：小籠包，雖然皮厚，但味道也不錯



擔擔面－左面既四川麻辣太油，右面既傳統就ｏｋ，因我不大喜歡麻醬，只吃了一啖！

醉雞－因無雞胸，所以無食！

其實食既時候肚痛，都無乜心機食。總括來說，食物一般，侍應們年紀雖大，十分殷勤，服務一流。

潤唇膏大檢閱

食藥的關係，令到嘴唇乾裂引至甩皮，上星期五放工時留低左支潤唇膏喺公司，大鑊！捱左一晚，星期六忍不住要支新，買邊款好呢？
用過既潤唇膏品牌很多－la mer跟雪花秀也太貴了，中價既fresh和laura mercier現在也覺得貴，四隻都好用夠潤；avene搽上後唇色帶白；jurlique和aesop的包裝似支旅行裝牙膏，用時有點煩，好易會唧好多出來，不夠user-friendly，kiehl's呢，不太喜歡它的質地；burts bee不夠潤，Dr. hauschka都ok，但越賣越貴，用左很多年，由初初買時$60用到$88了！

經過莎莎，入內看看，見到Caudalie呢個品牌，聽聞也具口碑，最出名便是其葡萄籽extract，便買來試試，$68蚊仲有9折，平過用開既Dr. hauschka；本想買elizabeth arden既8hours lip balm，但不喜歡它有成15度防晒，便選了這個Caudalie - lip conditioner－含葡萄籽extract，具抗氧化功效，適合敏感人士。


用後感：用左四日，效果不錯，夠滋潤，無怪味，適合冬天使用，價錢又合理！它已成功取代Dr. hauschka的地位，成為我的化妝袋內既永久居民了！推！

Agnes b - Animal by Nathalie Giles collection

喺雜誌見到Agnes b呢幾款新飾物，好！好！好！好！好！靚，和有生氣，尤其是那隻青蛙戒指（我是一隻蛙來的），又紅又綠，搶到爆，不過要成二千元，好貴呀！唔知實物又靚唔靚呢？！生日過左，無藉口買野送俾自己添，點算！！

右下既飛虫吊墜也不錯，如果有埋Ladybug就好啦！

最上：紅色閃石蛇頭手厄；中間：綠色閃石青蛙頭戒指
左下：藍色閃石斑點馬；右下：飛虫吊墜銀頸鏈

圖片來源：ｍｅ！＜幅圖好細，放大唔到，張就下啦！＞

Roaccutane progress - week 1

食藥已經一個星期，嘴唇昨天開始乾裂，還未甩皮！友問我好點沒有，我說嘴唇甩皮之時就是我復原之日！（以現在既進度看好似仲未得囉！）下巴既舊粒粒仍在，額頭既粒粒就好了點等印退，臉頰的毛孔細左啲，面油如常旺盛，星期四復診。

報告完畢！

大功告成

早前忙著的project，總算叫做大功告成；雖然還有些手尾要跟，但可叫做鬆一口氣．
這個project難度不算高，煩就煩在要同時跟3個不同地方的單位合作－上海，深圳和英國，去支援上海新建的業務；幸得深圳用戶的幫忙，助我解決很多疑問，也肯在限期前簽收；還有少許問題存在，雖然我會在10月便抽走做另一個project，但我會暗地裡協助解決以答謝他們！

基本上成個project team既都不是賤人，做得也開心，除了剛開始時，後期既都由我control，我既PM給我很大的自由度和support！有時真係會做到腎上腺素激增，但大多時間都樂在其中．
當中發現有些人不知自己要做什麼，但你叫佢做時佢就會好helpful，有些人做做下會迷路（我開始時都有迷路過），要你帶番佢入局！或有些人做做下會失左蹤，隔左一陣又蒲番出來，要佢confirm時唔見左人，到你出左份文件佢就走出來左彈右問，要佢答Ｂ佢就問Ａ，仲要是問啲無關痛癢的問題，你話係咪痴線呀！頂，唔反擊就係假！

有啲野你答左知既就係你，扮傻唔出聲就是上策，問題是你做唔做得到，我就唔得囉，咪揹多樣野上身，好彩不太難啃，叫你做野的人也客氣！

仲有英國南部人講啲英文好難聽，口音很重，加上經過電話的過濾，收到既得三四成；有位仁兄仲好笑，開開下會走左去，佢話橫豎都聽不明，做其他野好過！