是日－宜大掃除

昨日好乖冇出街，留喺屋企清潔－－洗碗，拖地，抹地，抹窗，洗廁所，當然剩是我管轄那層，若要我做晒成間屋，殺左我罷了！

唔知點解，洗親碗，洗洗下永遠有多幾隻。今日又係，明明洗五隻碗，一個煲，突然會多４，５隻碗碟再加２隻鑊放過來（註：間屋得４個人咋）！！洗碗碟我無所謂，最憎洗D油林林既鑊，洗極都好似唔乾淨咁！

點解又拖地，又抹地？因為用完地拖拖地後，硬是覺得唔係咁乾淨，最後都係用回最原始阿信式方法抹地，咁就PASS啦！

不愛帶手套做家務的我，做完家務後雙手勁皺，乾到有D敏感！諗住用個hand sugar scrub做個Hand treatment，點知乸到我死，即刻紅晒！立即搽番body butter，希望聽日有冇事！