港女－遲來的平反篇！

我是個港女，有何不妥！在香港出生長大，也是個女子，不是港女是什麼！只是不知何時開始，＂港女＂這個名字好像被人標籤了，有點貶的意思－貪慕虛榮，物質主義，眼角高，不懂溫柔，公主病纏身。。。等等。

做港女真的不易，要是你小鳥依人，事事跟隨，別人說你沒性格沒思想！稍有個性有主見的，又被批麻鬼煩，包拗頸對著幹！對生活，事物有要求有品味呢，又會說你貪慕虛榮，貪威識食；裝傻扮慒，又被說成無腦！上進往上爬，便是有機心不懷好意！能幹獨立，做事果斷的，便是潑辣老姑婆，乾物女！說話言之有物，一矢中的的，便是口賤不留人！物質主義喎，頂，難道只有港女先買名牌嗎，咁那些名店可以執笠啦，我敢說在港的名店裡，國內人多過香港人呀！稍為注重自己臉容身材，又被說貪靚喎，你估個個都是李嘉欣天生麗質咩（醜既你又嫌醜啦），李嘉欣都要ｋｅｅｐ啦，何況我們這些泛泛之輩，唔ｋｅｅｐ又被評不修篇幅，更往往是外出偷食的借口了。你看，有多寃枉及委屈！

環顧我身邊的女性朋友，大多處事能幹，獨立自主，心思細密，比男的更會照顧人。經濟獨立，消費也是用自己錢的；那些結了婚的，二人都各有工作，但家裡的事宜更是女的一腳踢，把家裡打理得井井有條，多是去想怎樣可以減輕另一半的負擔！
我只是覺得是不是香港的男人越來越不像樣，因自卑而去標籤香港女子！若是這樣的男生，憑什麼去批評我們呢！要不是你們的弱，不能依靠，我們這群港女是不會，也不需要站起來揚眉吐氣吧！

輕鬆時間（二）

一則
話說上上星期帶兒甥阿B去三色台參觀，在友人替我影獨照時，突然發現阿Ｂ在我不遠處伏在地上，問他做什麼，他說要扮我的影喎！真係估佢唔到！既然是這樣，我便由他了，待我影完相才叫他站起來；小朋友有時就是那麼可愛的！

二則
另，去三色台前早上去了祭祖，時間很趕，沒時間吃午餐，便著阿Ｂ在美心買個麵包吃，我自己心想他是會買個腸仔包之類的包，估不到他擇了一＂盒＂卷旦旦糕；我跟他說我不吃，他說他食得晒，隨他喜歡，但我估佢多數吃不晒的。。。一出門口他便吃，一路行一路食，一食便吃掉三片！勁！我諗佢真係好餓囉！另外三片，大約在個半鐘後，佢就喺三色台文初街個經典教堂門前梯級消滅埋！同個景唔係好夾喎！
替阿Ｂ從背包拿水時才發現原來佢孭住３支超過５００ｍｌ的水（包內還有他的寶貝玩具，我的ＮＤＳ），一支是我，兩支係佢，但我知道後也沒有取回自己那支，細路仔拿下重野當訓練啦，哈哈，我究竟係咪人地阿姨黎架！

三則
有次我老細佢行過來問我做緊乜，我話整緊個ｔａｂｌｅ（ｅｘｃｅｌ嗰隻）。。。之後佢問我＂ｗｈｅｒｅ　ａｒｅ　ｔｈｅ　ｆｏｕｒ　ｌｅｇｓ？＂。。。我立即滴汗！！

四則
今日開team meeting，老細喜歡說日話（佢係個老外），說了幾句後，我便叫佢學廣東話；我教佢講早晨，之後佢發現原來廣東話既ｇｏｏｄ　ｍｏｒｎｉｎｇ是＂早晨＂。佢話成日聽到有人對佢講＂早晨＂，佢話以為好似日文咁，叫人時喺個名後加個＂ｓａｎ＂，即是＂Ａｍｙ　ｓａｎ＂，＂Ｐｅｔｅｒ　ｓａｎ＂之類。。。佢就諗幾時自己改左個名叫阿＂ｊｏｅ＂，＂ｊｏｅ－ｓａｎ＂喎！我即時問佢＂ｉｓ　ｉｔ　ａ　ｊｏｋｅ？＂，之後我自己坐喺度狂笑，完全無理佢既反應！！！

她他（－）

她跟他分開了數年，每年大約只見兩三回；這些年來，每每他來電，她掛線後都哭，是懷念嗎，是內疚嗎，她也不明所以，只知眼淚不管怎的一直流下。
近年，她以為他已把她放開。。。至早前吃飯時，飯後，她問他吃不吃甜品，他說沒吃甜品已數年，她還傻傻的追問原因；起初他不肯說，最後說了，他說他生命不應及不會再有甜的感覺，她知道為何，強忍著，但還是流下一行淚來，她推說是眼睛敏感。

他的家還放著她的東西，他不肯掉，她知道他在等她回去。。。只是她放不下，她心裡仍有著另一個不屬於她的他。。。

閒聊＋閒逛

＠昨天為友慶生，去了和幸食日本燒，因我與友人也不吃牛肉，吃不到套餐（套餐全有牛肉），散叫頗貴，而食物一般（對比價錢，可以好點）！最奇是來多了碟我們沒有叫的豬肉，成一百元！起初以為是我們叫的那碟，原來不是，算了，不是太差又吃了兩片，便沒有退回！不過這樣的生意手法很趕客，我已俾左隻黑豬佢囉。

＠昨晚吃得飽，今早（晏）又晚起，只想吃自製薯仔沙律配日式芝麻ｗａｓａｂｉ醋汁（呢個沙律汁好正）。。。去了ＣｉｔｙＳｕｐｅｒ買沙律菜，但已售罄；最後買了ｈａｍ加哈密瓜！
啲ｈａｍ因為是原隻脾手切，所以較難切，全是切得細細片，以我的經驗，原隻脾的相對好吃！分１８，２４個月，我買的是１８個月，便宜一點！那個哈密瓜好甜啊！

＠逛超市前，因已很肚餓，去了隔鄰的ｂａｋｅｒｙ，見個芝士腸仔飽貼了ｊｕｓｔ　ｂａｋｅｄ，忍不住買個來頂肚，很好吃，但索價＄１４，很貴哇！若不是ｊｕｓｔ　ｂａｋｅｄ，我是唔捨得買來食。放在芝士腸仔飽旁有兩款ｍｉｎｉ　ｓｃｏｎｅ，＄１５　ｆｏｒ　５。個樣望幾得意同好味，又見隔離個ｃ９買左１０個咁多，應該不難吃，羊群心理下唔蝕底，我都買５個試下，俾錢時，我見到那個ｃ９都買左我個芝士腸仔飽。。。頂，突然間覺得自己變左個ｃ９添！左邊是番薯南瓜籽味，右邊的南瓜乜東東味。左邊那個好吃點，比較鬆軟，還是微熱的，一邊行一邊吃，返到屋企得番２個咋！

＠今晚好熱呀，忍唔住終於要開冷氣！

＠塊面開始起粒粒，去了Ｏｒｉｇｉｎｓ買了這支菇菇ｍａｓｋ，之前用過ｔｅｓｔｅｒ，可退下巴的粒粒，又有保濕作用，效果不錯，便買番支來看門口（菠蘿油的金句）！所以我話那些護膚品公司怕什麼蝕底送ｓａｍｐｌｅ，若是好的貨品，人們用過好是會返來買的，又可以賺口碑！

升職。。。Ｈａｐｐｙｙｙｙ:)

今日，公司派我們的成績表，有職升有人工加，仲有額外花紅，喺今時今日咁既經濟環境，保得住飯碗已經好好，仲有人工加同額外花紅（雖然唔係好多），真係要感恩！

轉左team同role已差不多半年，轉時新老闆說會跟職級一起轉（是高一級的），但人事部說不可以在年中做，要等到四月，我以為會不了了之啦，現在終能成事，真係開心！最正是Medical plan同MPF供款都upgrade 埋，仲有年假多了八日，以後去旅行唔使計住計住了！

好邪呀，昨晚發夢夢見到公司出皇榜，幾喬（我們事前是收唔到風），但我榜上無名，幾嬲同失望呀，最後發現原來我的是在六月生效（公司本身無呢樣野），可能我怕現實做唔到，發下夢都好個隻！超低能！

交收

＠上次清倉拍賣的貨品，今日成功做了第一單的交收！！約了五點半喺觀塘等，她還問我可否早點同喺九龍灣或牛頭角，我話早點可以但一定要在觀塘（我蛇出去，交收完仲要返公司做野）．
我比約定時間早了一點到達（是我太緊張嗎？！），等左一陣那位買家便到，我仲俾個驚喜佢，送左兩片面膜俾佢！計計下，賺左十蚊添（因為是特價時買架），最開心是可以清貨呀！

＠其實呢次係第二交收，上次在年半前，那次是賣書；我不儲那系列的書，看了便算，所以知道吾友買了，連膠套也不除便放上網賣；那次約了七八次才約到，仲要最後佢來我公司樓下取，換是我的話，真係啋你都傻，只是平左十元八塊搞到咁鬼煩（所以今日的交收過程是快靚正）！但原來又真係有啲咁既人喎！

＠之前咪話支Chanel落眼液賣左，頂，點知個PK close左個bid後無左影，嬲到我呢！咀咒左佢幾日以洩我心頭之忿！

回家吃飯

以前回父母家吃飯，菜（多是西蘭花或芥蘭，我指定的）及湯是膽，腳就由媽媽發版；但近排發現多了兩碟膽，就是鹹魚和燒肉。我估是因為他們知我鍾意食，只要有一次見你食很多，他們就認定你很鍾意食，之後便會ｅｎｃｏｒｅ！是的，那次我因為一碟鹹魚而吃了一碗飯（平時我不吃飯），因為很久沒有食過鹹魚。而燒肉我都鍾意食，但唔使次次食囉！
有日我終於忍不住叫媽媽下次唔好再蒸鹹魚了同買燒肉，她問我為什麼，我話有鹹魚我會食很多飯，好肥架，同埋要同老爸爭食肥肉（因為佢糖尿指數高，我唔想佢食咁肥），佢話食少少飯有幾肥呀，有飯暖下個胃都唔知幾好呀！盒燒肉呢，佢話唔關佢事，係老爸買的！
ｏｋｏｋ，我諗下次回家吃飯都仍然會見到呢兩碟餸了！

四月復活節澳洲之旅

星期四下午，姐姐告知四月復活節澳洲悉尼之旅決定去馬，機票酒店行程都已安排好！問我意下如何（我之前咪同你講左囉，只是大小姐你當時心情不佳聽不入耳咋），半包宴（食宿）ｏｆｆｅｒ下問誰能抵擋，今次又要大破慳囊！善長二號－媽媽首肯贊助機票，我開心到呢（其實我知最後會自己俾番，但有佢實卜都已經很開心）！立即ａｃｔｉｏｎ！
我在一日內極速辦妥訂機票及簽証的事宜，唯獨發現媽媽的護照五月到期，出境有問題，便立即為她辦理續証，三月底可以領取！取新証後再為她做簽証，有點風險但問題應該不大！！
由上年八月至四月，去了三次旅行（有兩次是ｌｏｎｇ　ｈａｕｌ添），無錯是有點嘥錢，只是想趁媽媽還行動自如帶她多些去外旅玩！

噢！我諗出發前應該睇定套＂奧大利亞＂先！（其實關咩事呢？！）

輕鬆時間

笑話一則
今天我的吞卜老闆在四時半左右跟我說他要出去看他的辦公室椅，之後會ｗｏｒｋ　ａｔ　ｈｏｍｅ。。。擺明又吞卜啦！咁都得！之後我跟鄰座的祖兒說我走先，要返屋企呵屎。。。祖兒便說佢都要走，要返屋企抓腳！我倆當然是說笑啦！

笑話二則
看見吾友菠蘿油ＭＳＮ的名字後加了＂Ｏｗｅｎ＂一名，發生咩事，莫非識左過鬼佬跟夫姓，但無奶油我收唔到風架，立即八卦問原因，原來星期五他們一班朋友飲飽食醉後，個個返到屋企呵到七彩，好彩嗰晚我有約無去到咋！Ｏｗｅｎ＝呵到暈！！笑到我肚痛！
　
笑話三則
話說有日約左爛Ｇａg哥，馬姐及肥仔食飯，商討著去那裡食；馬姐及肥仔唔肯去沙田（其實是馬姐自己唔肯去，又拉埋肥仔落水囉），爛Ｇａg哥又唔肯去港島，嫌遠喎！之後決定去鹿鳴春，但要等到八點半（都未必有位），好似晏左啲；爛Ｇａg哥又話想食日本野，咁我俾左銅鑼灣榮川同尖咀ＰｉｚｚａＥｘｐｒｅｓｓ佢擇，拋番個波俾佢老哥；最後佢擇左榮川，馬姐寸佢，乜唔遠咩，佢話今次唔遠，好＂硬＂喎！（遠＝軟），爛Ｇａg哥，真係超爛！

手作仔－為手電添新衣

今日難得清閒，待在家中執屋，發現了一包閃石，見隔離吾友媽記整ｂｌｉｎｇｂｌｉｎｇ八達
通整得咁開心，我都唔執輸，整下部電話先！（記憶中，呢包閃石是媽記ｎ年前俾我的） 上網取靈感，啲圖案好靚，但以我的功力及材料應該做不到，我得一包單色閃石咋，人地做ｐａｔｔｅｒｎ那些用上三隻色以上。。。挑起左條根，好想整喎，唯有整啲簡單款啦！
也不錯吧！（我發現我真有藝術天份，ｈｅｈｅ！）當然無媽記整得咁靚啦！

整到腰酸背痛，喉嚨痛左幾日都未好，作病先兆，要早啲瞓啦！早抖！