病了

昨日出左成日街，夜晚返到屋企上左陣網之後沖涼準備瞓，個胃就開始頂住頂住，無耐連個頭都痛埋；之後痛到要走入廁所嘔，出出入入左三四次，每次嘔丁點，個頭勁痛，今次連我支神油（白花油）都無乜用；

之後索性拿個盤入房嘔，又嘔左幾次，到個頭無咁痛便唔知幾時就瞓著左，一路瞓一路出汗，半夜紮醒時件衫都濕埋，到今早起身又濕過，唔知做乜？！食得太飽，定係食tea時飲那４杯Bellini累事？抑或中暑呢？？

晏晚瞓得唔好，今日請病假。姐姐話左俾媽媽聽，十點幾，俾電話聲嘈醒。。。爸媽輪流打來，直至我接電話為止，又問用不用過來照顧我。。。其實今天好番Ｄ，只是想休息多點啫。。。

中午醒來，個胃仲有啲頂住，飲左包牛奶，便煲碗白粥食；想落瑤柱吊味，但搵唔到，最後落左片果皮同一片薑（薑可以暖胃麻）便算。清下腸胃也不錯，今晚都繼續食佢！