宣傳電話－變靚啲

早前跟車厘子說起成日收到變靚啲的宣傳電話，原來佢都係；不論你拒絕了多少次，電話還是繼續來，多討厭！於是我倆便無聊地想著下次如何應對。。。

我：不如反問佢知唔知我係邊個，我係李嘉欣，你話我仲使唔使變靚啲呀？！下次check清楚先打黎
車厘子：但可能佢會話李嘉欣都係佢個客喎。。。
我：係喎，李嘉欣可能去過佢度整容，諗過另一樣個！
車厘子：我已經好靚，唔使再變靚啲，依家太多狂風浪蝶應接不遐，可唔可以幫我變醜啲。。。我：呢個都唔錯，我又諗到另一個；其實我喺瑪花度做，係你地行家喎，不如大家交換個call list呀，好唔好？
：
：
我倆想著對方唔知會有咩反應，係電話度狂笑。。。（其實我地自娛居多．．．）

幾日後，又收到她們的來電，雖然之前想到那麼多的應對，但當日正忙著，沒有時間應酬她們，最後也跟往時一樣，在她們表明身份後便九秒九cut了線！嘥晒！

另有一日，車厘子興高采烈打黎話某大連鎖美容院打電話邀請佢上去做免費facial，以下是她們的對答：－

X小姐：小姐，為慶祝本我地某分店的開幕，依家送你一次免費facial
車厘子：你地開分店關我咩事，而且我都唔做facial ge…
X小姐： 咁仲好啦，可以有機會免費試做，唔使錢又可以睇下啱唔啱你麻
車厘子：咁我肯犧牲左第一次上黎你公司做facial，你地會唔會俾番錢我架？！
X小姐 ：er…（立即啞晒，唔知講乜）應該唔會啦! （我覺得佢個心講緊粗口鬧車厘子）
車厘子：既然唔會，咁你地唔好再打黎！（說畢，立即收線，費事俾機會佢還擊，絕呀！）

ＯＫ，我明人地都係為兩餐搵生意，但當你正忙著時收到這些窮追不捨的電話，你真係想鬧人架！！

小氣

世事啲野就係咁，你唔講好地地，一講就賴野，好小氣架！

前幾天當好友So給我澳洲手信時(是一支飛滋噴霧)，我還懶勁咁跟她說不用了，叫佢俾埋大N， 因為我話會生暗瘡的人是很少生飛滋的；車厘子也認同！
不知是否飛滋們聽到我的呼喚出來跟我Say hello或是它們覺得我太囂張要來懲罰我，三天後我便生了粒飛滋(很久已沒有生過，大大話話都超過半年)，頂！ 今次真係衰口多！我諗我講完唔記得touchwood。。。

昨天晚上有機會試用了那支噴霧 (好彩無俾到大N)，澳洲牌子Natural Life，它旳成份主要是蜂蠟Propolis和蜜糖Manuka UMF10＋，我食緊隻蜜糖都係呢款，好似好Natural 咁！功效如何暫時未知，噴後的感覺是有啲乸乸地。。。

電話

部電話跌得多有點壞，那輕觸式的畫面開始不受控制，按左邊的制時很多時也按不到；昨天早上又跌了一次後，大鑊到成個畫面都用不到，一想到要花數千元買電話，勁灰！立即上網查下回收價，嘩，年頭用朋友價＄3800（原價$5400）買下來的ＰＤＡ手電，十個月後，只剩下三分一價錢！有無攪錯！成日同自己講，高科技產品貶值能力相當快，唔可以追，唔使買最新，電腦係，電話又係！但當走入店內選購時，林林總總的貨品放在你前面，有平有貴，有新有舊，一有比較的時候，就永遠忍不住會買了最新，最潮嗰部！ “最新，最潮”多數是與金錢掛鈎，等於最貴！唉！有時就算不是最新，也必定不會擇最平那款！

幸好到下午時，經多次ｒｅｂｏｏｔ後，部電話突然恢復正常，嘩，簡直是雪中送炭；當經濟低迷時，我也不想再浪費金錢，要居安思危（近排成日都聽到人講呢四個字），有多餘錢都儲起佢啦，何妨無！但諗諗下，依家唔買，遲些部電話更加唔值錢，到時就要付更多的錢去換。。。好懊惱呀！！！

公司廁所篇

公司的女廁只得一個，是獨立式的，沒有內格。若有人用緊，要不你在門口等（通常都不會），急一點的便用旁邊的殘廁。幸好全間公司只有七個女子，不需等很久！

吸煙篇
已經只得一個廁所，竟然有人還在裡面食煙，頂！你以為你一個人喺裡面食就影響唔到其他嗎？你有無用下你個豬腦諗下，下一個接住入去的人是多麼痛苦（試過隔了十分鐘，仲係＂煙＂魂不散），困住喺個抽風不大好的小廁所內吸盡你的二手煙，跟走進毒氣房沒大分別，等同自殺！其實大家已經知道是誰幹的好事（連清潔阿姐都知），但監於權力問題唯有啞忍；但最後我跟祖兒都是忍不住決定要跟她說，好有禮貌地叫佢落樓下食，唔好喺廁所食（心想，要食就行遠啲啦，ＰＫ），佢阿姐好似有備而戰，夠膽睜大眼講大話，話唔係佢，仲反問我地會唔會係其他層數的人做！頂呀，敢做唔敢認！但無証無據，我咬你食咩，好，你唔認，唯有諗其他方法囉，你估其他層數的人做，我地便建議鎖左個廁所（之前是沒上鎖，任何人也入得去），用的時候便取鎖匙開！現在情況當然好好多啦，毒氣房已消失左！
從此這位小姐連招呼也不跟我們打，就算是我們主動打，換來是一塊時運高睇你唔到的樣子！咁英的行為當然是有代價，部門飯局（若不是全民活動的）也不會預我們了！難道捍衛自己的健康都有錯嗎？


廁紙篇
除了食煙，有另一位同事是不換廁紙的（我們用的是普通像屋企用的那款，不是商場那些有個膠盒蓋著），喜歡用剩最後一格（是皺皺的那一格）留俾下一位，若是她要開卷新的，用後便放回載新廁紙的袋裡，或者乾脆的放在窗台上；真不明白，難道她在家也是這樣子嗎？！唔通你唔識換？唔知庇護工場有無得學呢，有我第一時間幫你報名！


真是一樣米養百萬人，真不明白點解有些人可以咁自私，咁唔considerate！大家都受過教育架！一間公司七個女子裡面有兩個係咁，真係人都癲呀！

因為愛

因為愛，所以心痛。

曾經，你讓我失望，也惹我生氣！

今天突然的想起你，又不禁令我擔心你起來。。。也不要待我待那麼好，我會不好意思的。雖然我倆不能走在一起，但我由衷的希望你能活得好！請振作！

遲來的生日飯

九月初生日的我，到上個及今個星期仲食緊生日飯（無計啦，大家都忙），而兩餐都咁啱係沙田食！上星期五就去左壽司派，五個女子掛住傾計，忘記影相，食物不過不失啦，不過有點貴！食飽後，同車厘子同菠蘿油去帝都飲野，我都幾鍾意去帝都飲野，個環境舒適，不錯！

星期二，跟芬妮和Ｚｏｅ就去左銀座藏人食，食物ｏｋ，價錢超勁抵，三個人五百元都唔使但已經食到好飽！同芬妮和Ｚｏｅ大約一年見兩三次，都是在大家生日時才出來吃飯聚聚，唔知係咪見得少，每次見面實雞啄唔斷，有著說不盡的話題；扮靚，食，工作，旅行，股票，乜都講一餐；若不是Ｚｏｅ回家路程遙遠，會傾晚一點。我們已約定等Ｚｏｅ去完旅行回來再見面，唔使等下年了！雖然不是時常見面，但偉大的互聯網已把我們連繫起來，什麼ｆａｃｅｂｏｏｋ，ｍｅｓｓｅｎｇｅｒ，ｂｌｏｇ呀，就算不見面和通電，也可知彼此的近況！


左：芥末八爪魚
右：軟殼蟹卷


左：多春魚
右：牛油帆立貝


黑豚&牛肉火鍋(豆乳湯底) 仲有跟埋蔬菜同拉麵



可能芬妮知我是一名購物狂，所以買了呢兩本書俾我做生日禮物，哈！多謝芬妮！

MISSHA BB Cream

今日食完晏後，難得一個人（平日是同其他飯腳一齊）， 經過Missha，便入去望望支BB Cream ，記得上月底時去台灣見到但斷左貨；所以今次經過Missha便入去八下；其實久仰BB Cream 大名好耐，我諗有一年了，當時啲評語話比較ｌｕｐ同難推，便立即止步，驚出粒粒；今次係台灣試過另一牌台灣牌子（佢話大ｓ小ｓ都用，好友菠蘿油買左黎試），又ｏｋ喎，不是太ｌｕｐ，不過個隻牌子無防曬，便無買到！我諗可能是出了一段時間，質地也改良左，Missha都出了四五款BB Cream ，最早期個隻都係無防曬！試左兩款，都是很易推，便買了Perfect Cover 個款，有防曬同遮瑕度較好！

Missha Perfect Cover BB Cream ($199) : 我選左23#自然色

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

尋晚掛住玩電腦，玩到唔夠瞓，今日不知幾攰，放工後去左揼骨，因為即日Ｂｏｏｋ，只得一個鐘，頂住先啦！

我的晚餐，估下係乜？

登。登。登。登－美心啫喱杯！賣相同味道也不錯，食左兩杯。。留番兩杯聽日食！ＹＥＡＨ！

黑仔達 + 新玩具

今早撘火車返工，遇上有人不小心跌左落路軌，係車廂入面等左差不多一個鐘，仲要無位座， 企到幾攰；星期一撞車，今日又撞正有人跌落路軌，六合彩又唔見我中！講俾車厘子聽，佢話今個月係五黃月(風水用詞) ，係會黑啲，佢話佢昨晚都跌左個銀包喎！咁都得？！

*************************************************************************************
P先生幫我ｃｈｅｃｋ好及ｓｅｔ好部新Laptop，今晚終於可以拎番部新機；依家用緊啦，一直都未正式用過Laptop，依家習慣緊；講真呀，用起上來有點笨手笨腳，若果唔係屋企地方細，我都唔轉用Laptop；Desktop個monitor又大啲，價錢又平啲；你話係咪先！

個look係咪唔錯呢？


雖然P先生已買到那隻仔佢搵左好耐的老鼠，但最後，佢好好人地豪左佢隻成五百幾蚊的老鼠俾我，自己就用那隻平價版！多謝及唔該晒！

險！

早前經大學舊生優惠訂了部Fujitsu的laptop，等左差不多一個月，昨日終於有得攞！抱著興奮的心情今晚同Ｐ先生一齊去攞，點知佢話攞完我都唔可以帶它返屋企住，因為佢要拎番返屋企tune下及檢查清楚；嘩點得呀！我抗議但又想佢幫我檢查清楚，最後便決定攞完後去佢屋企一齊整！ 攞完後搭巴士去佢屋企，成九點啦點解仲咁塞車呢？！Ｐ先生便用部電話上網看即時新聞睇下發生咩事（科技何其先進！），原來是的士業界不滿新的加價方案而進行慢駛示威！頂！係條告士打道塞左成半鐘有多，到轉入軒尼詩道以為可以避開塞車，點知轉彎後喺紅綠燈口等緊而我們仲掛住研究緊部電腦之際，突然間”ｂｏｍｂ”左一聲，有架私家車撞左埋黎！仲要係喺我個位的隔離，好彩是部私家車，剩係撞左落去巴士個車身到，若果是架車大啲，我諗我已經係醫院瞓緊，無撞親都俾隻窗的玻璃碎片界親！唔知是好彩定唔好彩！當時都仲未識驚，仲走去八卦睇下撞成點，事後來諗諗下先覺得危險，險過剃頭（其實剃頭有幾險呢？哈！），好彩我倆都無事，算執番一身彩！

八卦時影的撞車照，係馬路度影，其他車如常行駛緊，唔可以行得太出影

迷你債券苦主

自從檸檬兄弟爆左鑊後，不少苦主出來上街遊行．喊苦喊忽話唔見左幾多幾多錢，啲錢係佢地既棺材本咁話；無可否認，你買既時候可能受到些少既誤導，但你買得呢啲投資性既產品，就預左有風險架啦，依家蝕到渣都無，就走出黎嘈；算，當是俾你地發洩下囉！好啦，現在銀行出來認頭（聽聞是俾政府迫），多數苦主可取回六成本金，佢地仲唔知足，嫌唔夠要賠足十成喎；嘩！呢種輸打贏要既行為真係唔要得，賠番200%俾你呀好唔好！今次銀行肯賠已經好好啦，還記得那些被保藥黨呃錢的師奶阿婆，邊個賠番錢俾佢地先！大家都係衰貪心啫！

頂！今次金融海嘯 我夠蝕左好多錢囉，嗰啲錢夠係我將來的退休金及棺材本，又唔見有人賠番俾我！都無解！

運動vs健康

自從政府為響應奧運而設的免費租場後，令到平時不打球的人也突然健康起來，十分勇躍地做起運動來，但就禍及那些平時打開球的我們訂不到場！到九月頭以為可以訂到十月的場（因免費租場的期限是到九月底），誰知還是訂不到，跟波友車厘子說起，莫非今次政府的推廣真係ｗｏｒｋ，能帶動全民運動，便煩惱著如何是好，以後到何處打球！
沒有打球已經四個月有多，體能明顯地下降不少，才深深體會到運動對健康是何其重要！
早前跟友人行山時便有點力有不逮，行到中段要折返，第一次以為是陽光太猛烈（那時是七月中三十幾度，天文台發出酷熱警告嗰時，很容易中暑架）加上耳朵不適之故；第二次時，就算行平路時行急一點也會喘氣，真的差了很多！更何況要上山，每每行到看不到頂的上山路徑時，我便打退堂鼓！爛Gag哥說我的障礙是我自己，難行一點便放棄，他叫我要嘗試去挑戰自己．大佬呀，自己知自己事，電視廣告都有呼籲行山者要量力而為啦，我知自己體力不夠時，勉強下去也沒用，若是暈倒要勞煩飛行服務隊來拯救就無謂啦，勁樣衰！大吉利是講句，行行下猝死又怎辦？！佢話我著實太誇張及怕死喎！

幸好，下星期開始可以如常每星期打球了（自私一點慶幸原來是次的推廣也不是太有效），希望身體隨住適量的運動會變好一點！

不歡而散

好端端地約了一起去看醫生及吃飯，為何要不歡而散收場！最後只是匆匆地吃過一餐悶悶不樂既飯，連醫生也沒有看便離開，為乜？！是我錯嗎？我諗係，誰叫我揀錯地方食飯，去翠華咪算，去乜鬼太平館；只是想你試下馳名的瑞汁雞翼！算啦，什麼也是我錯，你對我就是那樣，什麼也容不下！灰！
頂！又唔見你諗去邊度食，行多兩步又嘈行得遠，行得耐！見到太平館個門口一支箭衝入去，又唔望下門口個餐牌先！

閒逛灣仔

剛過去的星期六，晨七咁早俾Ｐ先生嘈醒，九點鐘呀大佬，星期六瞓晏啲得唔得呀？！我都唔明點解佢可以咁早起身，大家差不多時間瞓，佢可以七，八時便起床；不過，佢是一頭豬來的，上左床不消五分鐘（其實應該是三分鐘）便可以倒頭大睡，瞓到古古聲！！唔係豬係乜？！不過見佢好有誠意地煮埋早餐，沖埋咖啡，又怎可以還賴床，九秒九拖着還在睡眠狀態的身軀起床！吃着他為我準備的早餐是多麼的幸福！ 吃罷早餐後，白忙了一會又到下晝，去了灣電買電腦用品，因我早前買了部新notebook，要買一個新滑鼠及router，Ｐ先生早已替我篩選了一款像他用緊那款，輕巧多功能（唔明點解要多功能？）而價錢合理的滑鼠，不過是平價版（他用緊那款要五百多元，超貴！），但可惜搵了很多間也買不到，於是便離開去食晏！本來想去華南食碗粉，但無開；我便提議去新開的Pawn看看，嘩勁貴，二三百多元一個lunch set，再看隔壁的祗月，也不遑多樣！
最後去左船街一間歐陸式的小店la bons cafe！我點了蜆肉意粉，Ｐ先生點了魚；個意粉硬了些及不夠入味，Ｐ先生碟魚就不錯！

食完主菜後，見佢地推介心太軟，便試試看，食心太軟又點少得雪糕呢，便問侍應姐姐Vanilla雪糕是否homemade，佢話係便加了一球；心太軟就不過不失，但雪糕就不是homemade啦！失望！

食完飯，Ｐ先生心心不忿，要再去298商場看看有沒有那隻滑鼠，最後都係無，白行一趟！唯一的得著是見到馬德鐘及他的兒子；馬德鐘真人好靚仔，有型但無想像般高大！！他的兒子呀，抱歉，沒有留意，因只管看馬德鐘！哈哈！

之後便到大有的Pacific Coffee嘆咖啡，看到一對情侶在街上耍花槍，保守估計耍了最少十五分鐘，當時還下著大雨，女的只管哭和鬧，男的便垂下頭捱鬧，我想可能男的怕給人看到他的樣子才垂下頭但又不敢走吧！之後那女子上了的士，以為完了，不，那女子很快便下了車，再繼續鬧下去！最好笑的是有一男路人甲掛住看他倆耍花槍，過馬路時差點被車撞親！！

今天諸事不順！

不知怎的今日下晝開始心情不大好，是因我見不到你嗎（還是你沒有打電話給我）？還是吃了個很差勁的下午茶餐（喺印尼餐廳食左碗不知所謂的酸辣蝦米線）？還是因為那馬虎的修甲服務（修腳，但連cream也沒有搽上，算點先，＄２２０架，仲夠膽叫我買package，啋佢都有味，博鬧）？定是我買不到美心的啫喱杯（一個鐘前仲有成六，七杯喺個雪櫃度架）？妖！心情硬是不好，既然沒有啫喱食便到超市買盒士多啤利雪糕回家吃後，心情好了少少嗎？沒有喎，可以點？！．．．頂！攪到連去買枕頭的心情也沒有！

納悶

上個月尾開始了BA的工作，越來越發現新老細十分之不濟，當初跟他溝通時是有紋有路，現在講多過做，講的全都很Ideal，有點天馬行空和不切實際那種，被他騙了；再者，他是新入職，還未清楚公司的culture，持著是大大老闆請來便目中無人這點我倒不是十分認同；就我的Title跟Package來講，當初轉的時候明明是說好是BA，又話加人工，最後卻加了Junior在前面(我不接受，後來他便替我想了Assoicate)，什麼Junior，Associate呀，我是剛剛畢業出來做事嗎？！頂！據他說這是HR的意思，說什麼Internal Transfer是不可以Upgrade package 或升職喎！廢話！我心想若你是那麼勁，為何我這個薯仔也幫不到呀？！週旋了多次後，既然什麼也不能改變，最後我決定Title也維持現狀，你說下年年頭會為我取得我應有；多美麗的結案陳詞，那時你還在不在這公司工作我也不知道，Who knows？！算了，為了令自己好過一點，我只好逼自己相信你，Let's see what will happen then?更何況大局已定，已經通晒天，我又能怎樣呢，難道吃回頭草嗎？才不，唯有頂硬上，撐住先！
轉了ｔｅａｍ後呢兩個星期，終日無所事事，未有新的工作老細又剛好放假沒有交低實的工作，只是叫我看那份只得33頁的Powerpoint，用不了看五天吧？！另外，同ｔｅａｍ的祖兒也很悠，只得金同事忙到發瘋！我倆便去金同事度拗撈，睇下有什麼可以幫手！但都是係無！可憐！沒事做不打緊，最驚是老細放假回來反問你做了什麼，咁就無言以對！！
這些百無聊賴的日子真的不慣，坐着沒事做很易釣魚，又不可明目張膽地上網寫Blog或傾電話，唯有喺度睇Manual啦！前幾天跟車厘子傾電話，她另一邊有線入，叫我等陣，往時我會答好但轉頭便立即掛線；今次她發現我還等着覺得好奇怪，我說我驚掛了線後她唔打番俾我跟我傾電話！

算了！當作是Honeymoon啦！