白頭髮

今朝起身梳洗完後，搽緊面仲係呆下呆下之際，有驚人大發現呀！俾我見到近額頭有條白頭髮，幾大檸樂！個人立即醒晒！即刻攞把較剪出來消滅佢！望望下，原來得半條，近髮根的一半還是黑色的，我自我安慰地想應該是啲護膚品影響到（但我最近都無搽美白之類的東西），若不是的話，無奶油前半是白色，後半是黑色！一定係咁，無其他原因！現實點，應該是最近用得腦多呱！