冷氣

炎炎夏日，最慘的事是冷氣機壞左！！！三十幾度，一滴風都無，冷氣機壞左簡直是慘絕人寰！！我好佩服那些夏天唔而需要開冷氣的人，如吾友馬姐！！

自已屋既就話有自主權去換，去搵人修理；租人屋既就要等人安排，又係煩！部冷氣喺四五個月內都壞左四五次！！勁滴水，滴到間房濕晒！！今次熱左３日（六日一），昨晚唔理開黎涼下先，到滴水先熄番。

係呀，都壞左四五次，租務部那邊死都唔肯換新！！今次我忍不住打去嘈，佢話入左紙申請喎！！上次又係咁講，申請，申請，申請到冬天先批好冇！！我都搬左啦！！

冷氣

炎炎夏日，最慘的事是冷氣機壞左！！！三十幾度，一滴風都無，冷氣機壞左簡直是慘絕人寰！！我好佩服那些夏天唔而需要開冷氣的人，如吾友馬姐！！

自已屋既就話有自主權去換，去搵人修理；租人屋既就要等人安排，又係煩！部冷氣喺四五個月內都壞左四五次！！勁滴水，滴到間房濕晒！！今次熱左３日（六日一），昨晚唔理開黎涼下先，到滴水先熄番。

係呀，都壞左四五次，租務部那邊死都唔肯換新！！今次我忍不住打去嘈，佢話入左紙申請喎！！上次又係咁講，申請，申請，申請到冬天先批好冇！！我都搬左啦！！

減壓戰利品－－CEZANNE兩用粉餅

買左太陽眼鏡，再去做正經野－－去Chantecaille看新出碎粉，之前都15,16，究竟買$650的Chantecaille還是$70的CEZANNE，相差十倍價錢；最後決定去看看，試左先下決定！點知無貨，要九月才返！！噢，睇黎個天都唔想我太揮霍了，最後過左對面買卓悅買CEZANNE！

這個CEZANNE其實也不賴，看網友們（阿元跟assenav)的comment都很正面，它連續兩年登上日本COSME大賞第一位，平平地試下也無妨！藍盒是透明粉，我買了遮瑕度高一點的粉紅盒。

用了數天，我發現它的粉質跟我之前用開的Shiseido MAQuillAGE差不多；Shiseido的粉細滑一點，但價錢是這個的四，五倍！月尾無錢時又要靚，這個真的可以解燃眉之急！

減壓戰利品－－Chloe 太陽鏡

黎緊個幾兩月差不多，大部份時間都會長駐銅鑼灣，上星期開始返左四日。都話返銅鑼灣累事，困在觀塘的我年幾兩年，好似放監咁，樣樣都想買，真係有排敗（家）！！

個PROJECT分四個階段，上星期要完成第二PART，要取USER的SIGNOFF，系統team那邊又慢，本來說上上星期尾交report給我對，最後遲了數日才給我(有些人真係好唔合作架！)，很急呀！佢遲左但我要CaTCH up番 D時間，Ｄ野錯左即刻要佢地regen番，所以上星期好似打仗咁。。。

減壓方法，一係就按摩（但無時間），另一樣係敗家喇！！後者所需時間不多，食晏時間或放工經過逛逛就可以！！

經過"連根拔"，正值FINAL SALE，本來是去看Chantecaille碎粉的，在旁的太陽眼鏡減價便看看，試戴了幾副，發現這副也不錯！很心動，放低冷靜一下先，過去看鞋，也看中兩對，但。。。無我的碼子了，豈有此理！！打俾菠蘿油，問佢買唔買太陽眼鏡好，魔鬼化身的佢當然說好啦，而我又無太陽眼鏡，要買番副＂看門口＂=>（這是她敗家時常說的）！！最後當然有敗到。

累。。。

呢排好攰，UAT緊，下個星期重頭戲開波，仲金！呢三日都返銅鑼灣，工作上的累還頂得住，體力上呢。。。日日抬住部LAPTOP，其實我部機唔算重，但要帶埋個CHARGER出出入入先死；早上喺隧道口落車，之後行去利園嗰邊，因為無帶鎖，費事麻煩人，食晏都要帶埋佢，加埋自己個包包，真係重到仆街，慘過做咕哩！！

Tonkichi日式炸豬扒

同車厘子食飯，去了尖咀間Tonkichi食炸豬扒，等了30-45分鐘喇；上次食已是一年多，那時還在銅鑼灣上班，知道要搬後，便喪食，去Tonkichi食晏！！

車厘子要了炸豬柳，我就要炸豬扒加炸蠔。炸蠔還可以，但豬扒就有點失準（是因為分店嗎？），炸皮跟豬扒散開了，也有點韌！

先來碗芝麻給你搓揉，後可自加豬扒汁


白飯和菜是可隨時添加的。菜可自行下沙津汁，有紫菜汁和柚子汁，個人喜愛紫菜汁！


後加兩位藍莓雪葩（$18@），其實可以不加，不值；埋單$440。

Vitaminwater

呢支近日勁推既維他命水Vitaminwater一點也不好喝！紅色那支稱有三倍抗氧化功能的更似藥水！喺公司樓下的coffee shop買，$22@

深圳小肥羊

去左深圳食小肥羊（香港無得食嗎？！），本來是去國貿站那間，但正在裝修，正在煩惱往那裡吃飯，有位侍應的走過來，說此店正在裝修，介紹我們往另一間分店，乘的士前往不消十分鐘，還可報銷打的費用，而且那位小姐還替我們截的士的，十分周到！讚！

去到那間分店，已滿坐，如可以消費滿$480，就可即時進貴賓房，我們一行六人，每人$80應該無問題，便選貴賓房了！下第二輪單時，侍應小姐還怕我們吃不下，問我們需不需要下半份（有半份和一份的選擇的），最後埋單每人$90！

食飽飯，朋友們就去了按摩，監於我皮膚不好，還是打道回府！另，在國貿站下車時，見到有至愛COLDSTONE，本來諗住打完邊爐去食，但太飽又太晚，沒有去到；若下次再去時，一定要食呀！！

桌上每個位放有這個捲物，起初我以為是餐巾，但旁邊又有紙巾，你知是什麼嗎？？？

:
:
:
:
:
:
:
:
:
:
:
:
:
:
:
:
:
:
:
:
:
:
:

原來是紙圍巾！我第一次食小肥羊，不知是否貴賓房才有這東東！很貼心耶！！

SALT

看了由Angelina jolie主演的SALT，劇情緊湊，不一會兩個小時很快就過去！Angelina jolie繼續走動作打女的路線，一個字－－型！！

佢黑髮造型比金髮還要美！

熱 + 汗 + yuyu sushi + xtc gelato

天氣實在熱，昨日在鬧市行了幾小時，與網友們聚會後，由銅鑼灣行去灣仔（想去書展或是到附近的書店看書），啲汗係未停過咁流，下次出街，都係把長髮束起！中段入了店舖過冷河！之後喺灣仔搵食，行來行去，最後都係去左食壽司。

無乜胃口，叫個蟹籽沙律－－不像傳統的青瓜絲＋蟹柳絲，這裡的還入加有些西式菜如火箭菜。


是日Special－－鰻魚串，買一送一，即$24兩串

還叫了些壽司－－全部都很好，唯獨那個蟹腳棒就較頹，一點鮮味都沒有。

睇戲前，再去XTC Gelato食番杯開心果雪糕+檸檬雪芭解解暑！

Facial@Jurlique Wellness Sanctuary Day Spa

早前，姐姐喺Jurlique購物做了member，便送了個90mins天然香薰facial。佢一向都唔做facial既，咁就益左我啦！BOOK左琴日做，放工去了位於銅鑼灣的Jurliqiue Wellness Sanctuary Day Spa那間。

到達後，在sofa坐下填份問卷飲杯茶先，第一次做要了解你的狀況。之後BA妹妹拿住盤香薰油給你選擇待會用那種油做facial，那款油按摩，她會向你解釋和給你聞下每種的氣味，問你要改善什麼問題。


有個好靚既熱帶魚魚缸


揀完後，就入房，BA妹妹說本間房間有不同國家主題，咁我問佢我嗰間是咩THEME，佢話係越南喎，我笑問佢可唔可以轉去日本或者澳洲（我想知澳洲間房係咪用樹熊做WALLPAPER呢?）！佢呆左唔知點答，我即刻打圓場說說說笑啫。依家啲人太緊張，都無幽默感既！最攪鬼是一入到房有個水煲喺地下，我問佢用黎做乜，原來係要換熱水浸毛巾。你覺得有無越南feel呢?

facial全線選用自家品牌，大部份是零售貨品，只有少數是SALON專用。每次抹完面都用浸過香薰油的熱毛巾敷面，好relax！！清潔方面，只會做少量針清，按左兩下面後我已不經意瞓著左；到敷mask時，因為要蒸住敷，但佢架steam機又好鬼噪，一開機就俾佢噪醒左！破壞晒！手勢方面，只可以說那位妹妹還有很多進步空間。

除了做面，還會用它最出名既handcream按手至手肘，和隔住毛巾按腳。

索價$880@（另有120mins的要$11x0），賣點只是全線用自家品牌，我覺得較貴！

通淋巴

菠蘿油上星期啱啱做完通淋巴，佢話痛到要咬拖鞋喎（佢一向都怕痛，再加十級誇張），但做完大脾中間條隙出反番黎！講到咁勁，我都唔執輸，昨日都去做番次，好耐無做過，真是好痛呀，不過又無佢咁誇張！而大脾條隙又真是出番黎喎，今日都仲KEEP到！

星期日開始減少食量，希望瘦番啲啦！我易肥難瘦，近排又零運動，羽毛球又無得打，游水又怕皮膚痕，行山又熱。。。。（千萬個藉口，哈哈！！）

聽到嗰啲話唔食一晚飯就即刻瘦晒的說話，我真是想打人呀！！！

深水埗劉森記

去開深水埗，當然要試試馳名既劉森記，炎炎夏日無乜胃口，吃一碗麵就可以！

店內貼滿報紙周刊介紹，劉森記已有六十年的歷史，從街邊車仔檔做到入舖。而麵條是用人手壓人手幹出來的竹昇麵，有次在電視上看到，應該是有個人坐在條上壓出來的。

跟友每人各叫了一碟蝦子撈，再share一個細豬手和一碗剩雲吞。

蝦子撈－蝦子下得很多，絕不吝嗇！下那麼多但味道不會過濃。蝦子是什麼味道？鹹鹹香香的帶點鮮味。跟撈麵一起上那碗據稱是大地魚湯，對於自小已吃慣蒸成條大地魚拿來送飯的我就略為淡了些，可能是蝦子的關係，便把湯稍為弄得淡一些（我估）！

雲吞－－過得去，蝦肉爽，跟豬肉的比例也剛好，略嫌雲吞皮長了些。

麵－－以竹昇麵來說，這間做得夠彈；多數用竹壓方法做的麵是不彈牙，黃枝記和北角七姊妹道間懷舊麵店亦是。


南乳豬手（細，$35）－－夠入味，正正！！若能在處理過程中，把豬手上的毛燒的乾淨Ｄ會更Perfect！


另，每張桌上也放了一大瓶的自家醃製酸蘿蔔，夏天食點酸野，胃口都好Ｄ，我添了很多次！！

寫意的一天

今早下了一陣雨，到下午就雨後放晴，便決定要往外（郊外）走走；去了家附近的大美篤，先去食飯，那裡有間泰國餐廳叫泰太的很有水準（補償昨晚吃了一頓十分差勁的泰國菜）。

吃飽，便往堤壩那邊走走，很久沒有和陽光玩遊戲，不算怎樣劇烈，只是行行坐坐，烈日下也出了一身汗！吃支雪條解下熱，真爽！！忘了帶帽，也忘了為雙手塗防曬，臉就有塗，但汗水應該早已把沖走。算了，管不了那麼多！

天氣好時往外走走，好過時常留在家中做宅女（假日時我真的很懶，不願外出）！！

Shrek forever after

星期日去金鐘看史力加，90多分鐘，本套片是帶出一個人當穩定下來便開始厭倦其刻板而幸福的生活，又當失去後才懂珍惜。。。老掉牙的題材，套用在卡通片史力加身上又好似唔係好老土喎。

印象中，第一套入戲院看的3D戲好似是2,3年前既<地心探險記>，那時某人話要帶我去見識下睇3D戲，我就話有幾勁呢，要成$120一張票，雖然不用我俾錢，但有點肉赤，不過看後又真是值回票價！現在什麼戲也3D，食住3D條水就已經大把捧客，大家也不介意付多點錢去看；現在看得多了，也看慣了，又覺得不是那麼特別，若不是同看的人要求，我會選擇看普通版，除非套戲的3D技術好勁啦。

老實說，今次史力加既3D效果我就覺得是麻麻，可以說是可有可無！另外，今次喺金鐘AMC看，連3D眼鏡也送埋，唔知其他戲院有無送呢?

P.S.在訂戲票時，發現早場平成半，慳家va又上身，立即打去問蘇老闆十一點去到有無問題，點知已經FULL HOUSE！

Starbucks frappucinno w/coffee jelly

同事羅茲威爾上年極力推薦的Starbucks這款coffee jelly飲品。上年錯過左，今年再推出；其實咖啡我只喜歡喝熱的，但見羅茲威爾極力推介，上星期去Starbucks　hea左陣，便趁機試下。

嗰日好放肆，無叫走cream，只叫少cream，你睇下上面pat cream，好味到呢，又肥到呢。。。（放肆一日咁多啦！）。整體來說，杯咖啡就嫌佢太甜了。

提開羅茲威爾，佢近排個腩好似細左，可能就快可以搣甩羅茲威爾個名！

病了

昨日出左成日街，夜晚返到屋企上左陣網之後沖涼準備瞓，個胃就開始頂住頂住，無耐連個頭都痛埋；之後痛到要走入廁所嘔，出出入入左三四次，每次嘔丁點，個頭勁痛，今次連我支神油（白花油）都無乜用；

之後索性拿個盤入房嘔，又嘔左幾次，到個頭無咁痛便唔知幾時就瞓著左，一路瞓一路出汗，半夜紮醒時件衫都濕埋，到今早起身又濕過，唔知做乜？！食得太飽，定係食tea時飲那４杯Bellini累事？抑或中暑呢？？

晏晚瞓得唔好，今日請病假。姐姐話左俾媽媽聽，十點幾，俾電話聲嘈醒。。。爸媽輪流打來，直至我接電話為止，又問用不用過來照顧我。。。其實今天好番Ｄ，只是想休息多點啫。。。

中午醒來，個胃仲有啲頂住，飲左包牛奶，便煲碗白粥食；想落瑤柱吊味，但搵唔到，最後落左片果皮同一片薑（薑可以暖胃麻）便算。清下腸胃也不錯，今晚都繼續食佢！

Biotherm激光纖體系列（ Celluli Laser）－－D. Code

喺空姐Elaine網站看到這篇，即上網search下，口碑尚算不錯，港售$360；以前用過不少這類纖體產品，都無乜功效，主要原因係自己無恆心，之後索性唔買；但呢支看似很強，很神奇，心癢癢想去買番支試下添！

關於工作

懶蛇同事宣佈離職，要移居到袋鼠國，對我來說不知是好事定壞事；接下來的日子，我就要執他留下來的爛攤子！唉。。。。。。

火間土＠北京道一號

早前跟友人去火間土，其實那裡食物一般，和民好食過佢；來北京道這間，為的當然是這個海景位！ 因海景廂坐原故，最低消費是$500。那裡食物價格不算貴，兩個人要食$500，都唔好話唔多。

埋單，還欠數十元，要叫多個士多啤利芭菲才夠數！

澳洲Celebrityslim代餐

早前（都成兩個月前，都遲了好多才報告）適逄剛去完首爾旅行，便收到屈臣氏公關Christy寄來的澳洲CELEBRITY SLIM的TRIAL PACK連shake shake杯一隻。夏天又到，係時候要減肥，真是時間啱啱好！！

（吃完了女士的奶昔粉才記得要影相，真是大懵）

以下是官方的資料：（底部有我的comment。）

屈臣氏讓您吃好、吃飽、還苗條
獨家引入澳洲Celebrityslim代餐

[香港．2010年3月25日] 春天到了，當大家開始轉春裝的同時，又開始為早前發腹不少的身型而苦惱，因為大家趕著在炎夏來臨前，把多餘的脂肪踢走，希望以最佳的身型示人！

為了在短時間內取得瘦身成效，很多人會選擇減肥或瘦身補充劑。屈臣氏個人護理店為大家提供另類選擇，從澳洲獨家引入多種Celebrityslim代餐系列產品，成分均取自於澳洲天然牛奶和大豆，產品包括7天女士及男士綜合裝奶昔、代餐湯、代餐棒及零食棒等，共有十多種口味以供選擇，讓您在進食瘦身餐單時不感到枯燥乏味，同時亦帶給您每天所需要的營養。Celebrityslim代餐通過保留食物中的各種營養成分，減少碳水化合物的攝取，使身體從脂肪中得到能量而進一步把脂肪消耗，從而實踐體重管理的目標。

每天大家可用Celebrityslim奶昔、湯或代餐棒代替一天三餐中的其中兩餐，然後再加上一餐的均衡餐，餐與餐之間可以吃一份水果或零食棒，這成為大家的D.I.Y.瘦身好幫手。Celebrityslim代餐亦幫助您改變不良的飲食習慣，讓您的飲食餐單更為健康。

詳情可參閱澳洲官方網站：http://www.celebrityslim.com.au/


試後感：
可口度：7分。我吃的是士多啤利味，味道可接受，不算難食。
方便度：10分。配有shake shake杯，只需把奶昔粉加進指示容量的水裡，再搖勻便成。若出外
或趕時間，不方食便食奶粉，產品更配備代餐棒，食一條又可當一餐了！
窩心度：10分。奶昔粉有六種口味，每日可選不同口味，不怕吃厭；就算食厭奶昔粉的話，也
可選代餐棒或代餐湯。也有零食棒（都ok好味）；另，奶昔粉也有分男士用裝。夠貼心喇！
功效　：no comment。只食了3餐，如果我話瘦晒就一定呃你，只是若之前一日吃得太多，翌日食番一兩日代餐就一定有幫助的。
價錢　：8分。一盒14包奶昔粉售$338，計落都是$24一餐；代餐棒就$35@，而代餐湯就$158七包($23@)；平定貴就見仁見智，去大家家食過一哥豬排飯也要$29。


總括來說：對我而言，代餐都係不太適合，因我實在太嚵嘴了。我是可以癲到食完正餐無耐就開始食零食，就算飽，照食可也，尤其是多野做的時候，要食野減壓，會食唔停！所以我覺得代餐適合些較有自制能力（至少無我咁癲）的人去食。

咁我可以點減肥呢？？！！

p.s.謝謝Christy寄來產品給我試！

Sex and the city 2

看了Sex and the city 2，本來想在上畫第一天看，但時間就不到，最後遲左兩日睇啦！很多人都批評主角們都年華老去，又話她們皺紋多，blah blah blah，還有什麼好看？！這是事實，但若是粉絲就不會介意，從來都不是仰慕她們的美貌才看此劇；由電視劇至電影，看了那麼多年，睇埋電影只是個情意結，去捧捧場！

其實，上套電影已是整套劇的完結，今集是為各主角來個status update，也為各粉絲們止下渴咁囉。

MAC pro longwear Lipstain Marker

睇雜誌見MAC出左支新唇膏（筆）－－pro longwear Lipstain Marker（$145）；攞住支筆喺個嘴度畫下畫下，好似幾方便，而且又可以LAST得耐,據稱可last 6個鐘。

上星期經過銅鑼灣便去SOGO個COUNTER入了一支，顏色是A Classic。

結論是。。。。。。把鬼！！！又難上色（已用lip base打底），又last得唔耐，有時啲色出唔到，要係咁搖支筆，搖到手都攰。唯一好處是無乜味。

Sulwhasoo - white ginseng lightening gel

這支雪花秀White ginseng whitening gel是我近期至愛，喜歡它的粒子夠細滑，在臉頰上打圈磨也不會有痛的感覺，很溫和且不刺激的便能把臉上的死皮角質推走；最重要是能補充埋水份，用完肌膚不會乾燥，不用再敷水份面膜，是懶人之選！推！係韓國買只需三百頭，香港行貨價是HK$480，七折有多呀！快將完時，希望有朋友到韓國旅行啦！


來自官方網頁的介紹：
蘊含細滑的白參粉末，能令肌膚剔透亮白的韓方草本磨砂啫喱。

-白參中有豐富的皂角苷成分，能促進肌膚循環，長效補濕的蜂蜜和裂褶菌精華，則能夠提升肌膚水分，煥發水漾光澤。
- 啫喱質感可迅速於肌膚推開，配合有助清除角質的白參粉末，顯著提升肌膚健康活力。

旅行的戰利品

這次首爾之旅，買得最多既當然是護膚品；在沒有預計的情況下，買了很多Hanskin當手信！適逢減價，很抵很抵很抵很抵！！再多也不及大Ｎ多，她要買埋阿媽家姐阿嫂姨甥女嗰份，好到不得了！

最無辜的都係我，幫馬姐買雪花秀，抵受不住誘惑（又係一個字，抵囉！），幫幫下人買自己忍不住也買埋一份，其實我幾年前也用過雪花秀，不過嫌煩要搽太多步驟，所以就無繼續用；下圖有一半是我的，總之大出血耶，半年或一年內都不用會買護膚品啦，我話既！

另外，蘇老闆買了珍雪系列，她問我有舍分別，我話係尊貴版囉，尊貴到連千億新抱都用咁；佢也買了珍雪精華來用，附送同系列其他的產品試用裝！

我就買了卸妝油，潔面泡，潤燥精華，滋陰水，水生面霜，Overnight mask，BB CREAM，White ginseng lightening gel，潤唇膏！

遲些才介紹好用的東東！

Skin food那兩花瓶mask是補貨的；其餘的大多是送禮用！還有一堆paper mask同yogurt mask，不過忘了影相了！

很多的sample!!比香港闊綽很多！

濕疹煎熬

由農曆新年前的一個星期至現在，受盡濕疹的煎熬差不多一個月了，病情很反覆，時好時壞，以為好Ｄ，點知過兩日又黎過，真悲哀。上年試過一次，只限局部，手肘位附近，搽２，３日藥膏就無事。今年就大鑊，成身都是災區，幸好塊面可以逃過一刧(一定要touchwood)；瞓唔到精神自然差，人又忟憎，又易病，一個月病左兩次，死未！

早兩日看到meling post左一篇關於濕疹的blog文，睇完真係開心左，有種 i am not alone的感覺！完全道出我的心聲。同事朋友都叫我唔好抓，唉，鬼唔知咩！但嗰種痕法是非同小可架，點忍呢！

剛剛醫完暗瘡，依家又到濕疹，全年處於作戰狀態，實是殺人！！！

戒口方面，雖然呢幾日我都好乖戒左口，但我唔會逼自己囉，心情已經差，仲要一個喜歡食野既人戒口，真係生不如死 ！只可以說盡量啦！

------------------------------------------------------------------------------------------------
from meling <明白濕疹之苦>
看到今天的頭條新聞，一般人可能會覺得，真的有那麼困擾嗎？皮膚有問題去求醫就行啦，為什麼要尋死那麼傻？

可是，正如《地下鐵》電影裡，梁朝偉要親身經歷當過「盲人」才明白盲人的苦，最近算一算，我的不知急性還是慢性，不是濕疹還是風疹連續第三個月發作，我終於明白，F小姐說她的妹妹濕疹發作時會在家抓狂大叫，果然是真的。

尤其是當你愈痕，愈辛苦，就愈多人只跟你說，「睇醫生咪得囉！」到頭來作為病人的你，原來想不到下一句說話接上，只會覺得世上完全沒有人明白你，自己像世上唯一怪人，好孤單。

其實，當中醫告訴我要戒口，不能吃蛋雞鵝鴨牛羊海鮮甲殼麻辣...時，我真的感到好苦惱，這樣的話生命還留下什麼樂趣？

難得病情好了一點，我開始食少少牛肉，少少羊肉，之後濕疹馬上發得比之前更嚴重，睡著時會抓到出血！因為太癢，每天只能睡3﹣4小時，睡得那麼少，脾氣怎會好？

當我近乎萬念俱灰時，在網上找一找「濕疹」這個字，原來好多人都在這個時候一起發作！大家要戒吃的東西都一樣，忽然間感到沒那麼孤單，心情放鬆不少。

或者有人會質疑美容編輯為什麼會有皮膚敏感，是不是試用東西太多？那個我可以肯定的告訴你，我只有兩手前臂有事，其他地方完全沒有問題，面部也 touch wood 全無異樣，相信是面部被我護理得比較細心，所以能夠倖免於難。

作為過來人（也是現在的病人），在此我想勸告一下：

如你的朋友／家人／同事／兄弟姊妹有皮膚問題困擾，請不要只跟她說「睇醫生啦去」就算。對方一定有找過醫生，但事實是中醫或西醫也不能肯定可以醫斷尾，那種困擾只有同病相憐人士明白。

請盡量轉移她的視線，多關心對方的感受。你可以介紹中醫也好，介紹古方也好，介紹治失眠的方法也好，問她有什麼可以吃然後陪她去吃，問她有什麼活動想去然後帶她去玩。不要堅持這個病一定「有得醫」。

例如，跟很多個人談過濕疹痕癢的苦惱，只有我的媽媽積極回應：「係呀係呀！果種痕法真係唔係人咁品！點忍！」登時像遇上知音，感覺沒那麼難過。也多謝老友Q昨天送上的極品叉燒，還好我有聲哥叉燒可吃，否則真是生無可戀了。

老友Q剛在我facebook留言：「皮膚敏感與鼻敏感一樣，是絕症來的~ (我認真的~)」我非常同意。認真的，請用心關懷你身邊受皮膚問題困擾的人。

年廿八

今日年廿八，請左一日假留在家中收拾東西！早前搬屋，還有２大袋紅白藍及一個膠箱還未unpack，趁今日就把它們處置埋。。。

掉了很多紙盒，很浪費呀！突然環保戰士上身，盡量想可否廢物利用，想拿其中一個當作筆桶（現在用緊那個也是廢物利用的），不是太高便是太矮，最後都是放棄，把它們放進回收桶！


















又有一堆公仔（只是一部份咋，他們的親朋好友已在我張床底住緊）！！！食之無味，棄之可惜！都唔知放係邊，都係讓他們跟朋友團聚！很喜歡中間粉紅色那隻！


















當然少不了我既賣飛佛－－大口仔啦！！又摷多了一堆出來！！Again，讓他們跟親友在我床底相聚！


















還有很多舊相（這個當然不放出來啦，有些都頗嚇人，哈哈）和舊情信同咭，仲要係成十年以上，都唔知點解仲未掉！！那時沒有互聯網，沒有e-card，只流行互相寫信寄信寄咭；今日把它們重看一回便撕爛掉左。。。those were the days！

其中有一張（中間嗰張）是handmade喎，好有心思呀！有一刻衝動想把這張留下，最後都係難逃一刧。

Starbucks - White chocolate mint mousse cake

前兩日試了這個白古力薄荷mousse cake，好味！！

Reductil諾美亭

今日在報上看到一則新聞，對我來說應把它放在港聞頭條！

＜轉載自蘋果日報＞
－－－－－－－－－－－－－－－－－－－－－－－－－－－－－－－－－－－－－－－－－－
【本報訊】歐盟藥物管理機構建議停止售賣含「西布曲明」的藥物，當中包括在港有售的減肥藥「諾美亭」（圖），食物及衞生局局長周一嶽指會跟進事件，有需要時會要求藥廠回收。本港藥劑師指，西布曲明會令血壓上升，增加心臟病及中風風險，建議使用者必須諮詢醫生意見，但本港毋須跟從歐盟做法。

本港註冊有 40種
根據衞生署的資料顯示，本港有 40款註冊藥物含西布曲明，全部須由醫生處方，說明書亦有警告字句。食物及衞生局局長周一嶽表示，衞生署會跟進事件，並檢示藥物成份及風險，有需要時會要求藥廠回收，他又會與處方有關藥物的醫生溝通，提醒他們小心處方予高危人士。
香港醫院藥劑師學會會長蘇曜華指， 40種含西布曲明的註冊藥物均是減肥藥，當中諾美亭及一種去油丸具有研究證明其功效及安全性，藥廠並已註明副作用，心血管病患者更應小心使用，故藥物須由醫生處方。他認為不須跟隨歐盟做法，但建議正使用諾美亭等減肥藥人士，應由醫生評估風險後服用。

－－－－－－－－－－－－－－－－－－－－－－－－－－－－－－－－－－－－－－－－－－
曾是小女子的減肥救星，間斷服用了三四年有多；現在已停服了，但若要解燃眉之急，此藥必是我的首選！一直也是貪圖方便直接從藥房購買此藥，沒有經正常途徑，當然就沒有經由醫生評估風險啦。

其實自己也知食減肥藥是不健康，奈何效果快副作用也不大（我認為），只是服用頭數天會勁度口乾和脾氣暴躁。唉，又要尋覓另一良藥了！！！

Scholl Qtto 夜間纖腿襪 -- 用後報告

大約三個星期前咪話買左Scholl Qtto對夜間纖腿襪既（相關內容），很多朋／網友仔也問我有冇效。

穿了大約一個月，盡量晚晚穿（當然有些時間會忘了）；可能我雙小豬腳實在太粗（或者我不是水腫啦）而令到效果不太明顯，瘦腿的效果未見。

唯一最大發現的是愛腳踏高跟鞋的我疲勞的雙腿得以舒緩；早兩日行完山後，雙腳也沒有酸軟！

雖然暫未見效果，既然買了還是會繼續穿，若日後有其他大發現會繼續update!

忙忙忙忙

大節假期過後，踏進新的一年，我可以foresee到黎緊既日子會有幾忙忙忙忙忙忙！！兩個Project喺手，兩個都大大攤，話就話其中一個25%喎（跟另一位同事每人25%），都搵笨既，點25%啫！一開波啲野就湧埋黎，人地剩係知道嗰part係你就搵你，你唔做個bottleneck喺你到，唔通唔做咩！

而另一個Project仲死，PM阿餅走左，替工未到，好似唔到添！我老闆昨天走過來跟我說，我暫時做埋阿餅嗰份，我以為佢講笑！今日佢又講，連另外兩個老細都咁講，認真大檸樂！！我何得何能呀，個scope又大，6個國家同時間一齊做，好似話半年要做晒，又要manage vendor，一個人點攪得掂。仲要分身埋上面嗰個，殺左我罷了！

突然好掛住阿餅，有佢頂住好好多，唉！

80分鐘死亡續播 (Rec 2)

急不及待，在正式上畫的第一天（不計優先場）看了REC 2，但大失所望；沒有驚心動魄，驚嚇情節欠奉，唯一好的是節奏明快緊湊，但我睇驚慄片喎！上集我睇到好驚，緊張到要捉住人家的手同會叫架，今集一點驚的感覺都無，那些怪物出場時我仲喺度笑，咁點先，或者我大膽左好多好多囉！

仲有，明明上集講病毒變種，今集居然變左關妖魔鬼怪事，走個神父出來嘗試降魔服妖，有點牽強！由十分期望變失望，結尾的還留下下集伏線，都唔知睇唔睇好，唉！

真是十！級！失！望！！

處女下海

早兩日收到紅封包，新年又未到，又唔係生日，點解有紅封包呢？！

事緣是工作上有件事是咁耐以來第一次做，祖兒話我處女下海喎，為了祝我順順利利，就給我紅封包！也收到另一位仁兄的短訊，謝謝謝謝你們的心意！

我很慶幸工作上時常遇到很多好好的人，也有很多人很照顧我，很多都會成了朋友，好朋友。在工作上一定會遇到不如意的事，但難得有班傾得埋的同事們在左右，一起呻下，傾下，鬧下，已很足夠！

因為我知道有不少人返工真是返工，和身邊的同事是零交流，或是要帶住面具做人，那就很無意思了！需知同事們可能比家人見面的時間還多，若是不咬絃的要日對夜對，實是殺人，所以能夠遇到好同事是要感恩！

關於個新袋

不少友人問究竟個袋折後，減積分後，幾多錢呢，二千蚊有找啦！

菠蘿油在個BLOG見到個袋，打來話個袋OK wor，我叫佢買啦，有紅和黑色；佢話佢有很多黑色袋，我咪叫佢買紅色。佢阿姐話佢都無紅色鞋，又無紅色scarf，襯唔到！擺明串我啦！因前一晚我就係著紅鞋加又紅色scarf襯個袋囉，但菠蘿油無份去昨晚個飯局，即係有人報串啦！！！此人是誰？車厘子是也！

車厘子今晚去左買個黑色！！hehehe !! 魔鬼來了！

美食日

今日祖兒生日，祝佢身體健康，開心快樂！午飯去了利苑食生日飯，點了壽飽當旦糕；近來吃旦糕吃到有點厭了！

夜晚，跟羽毛球隊隊員（咪即係友S,N 和車厘子是也）食開年飯，選址灣仔美味廚；上個月有聚會去過食小菜，今次就打邊爐；叫了特色湯底－－旦白梳乎厘笛番茄蟹拼辣酒花螺湯。。嗯，好不好食就見仁見智，我就不太buy。

唔知點解成日來錯鍋料，這便是來錯了乜乜班片（退了，因要$3xx），我們order的班頭腩(沒有影相)剩是骨來的，就是多付$2xx元的分別！

食物可以，但份量較少，服務勁殷勤！加四支細啤，埋單連加一每位$330。還是小菜好食和抵食些！

後記：友人N又發揮佢既攪笑潛能。。。話說佢點嗰碟牛柳柆一到，佢二話不說便放了一半落個鍋到，車厘子叫停都無用，友人N說D牛柳柆要煮耐D先好入味喎！大家都Ｒ晒頭。。牛太熟會梗喎。之後由原來既方粒糖大小變了像小粒五香肉丁，仲要好辛苦地從湯到逐粒揀番出來。最好笑係佢趁車厘子去了洗手間，學車厘子用篩灼一粒牛粒食，真係俾佢笑死！友人N，愛死你，每次你總帶給我們歡樂！

See by Chole羊仔皮袋！

受不住半價的誘惑，也多得天使魔鬼混合體的小Ｓ通風報訊告知Festival Walk間IT有貨，仲要有紅３色，（上次跟她逛街時見到無買，之後自己再去尖咀分店什麼色也售罄），買了這個Chloe second line - See by Chole羊仔皮袋！

除了半價，現在用IT card內的積分當現金用，每$25000分減$100，一共減了$900，我多年來儲的積分一下子用光，但真是好抵好抵！！
而早前試的那件衫，諗住遲些折多些才買，但真係全線售罄！

後話: 新港I.T.個Fitting room 好靚，裡面的擺設也很美，忘了影！